“Vyuma Vize Wevwile . . . Valwezevyo Vatu Vakushishika”
“Vyuma vize wevwile . . . valwezevyo vatu vakushishika vaze navakatamo kunangula vakwavo nawa.”—CHIMO. 2, 2:2.
MYASO: 123, 53
1, 2. Vatu vamwe vamona ngachilihi milimo vazata?
VATU vavavulu veji kulijimbulanga kuli vakwavo kweseka namilimo vazata. Vashinganyeka ngwavo vazata milimo kana mwomwo yavilinga vyavo vyamwaza. Muvisemwa vimwe nge vanakusaka kutachikiza mutu, veji kumuhulisanga ngwavo, “Milimo muka wazata?”
2 NaMbimbiliya yavuluka vatu vamwe kweseka namilimo vazachilenga. Chakutalilaho, yavuluka ‘Mateu muka-kutambula mitelo,’ “Shimona, muka-kukotongola malambu,” ‘naLuka, chimbuke twazanga.’ (Mateu 10:3; Vili. 10:6; Kolo. 4:14) Veka nawa vavatachikijila kumilimo yakushipilitu vazachilenga. Chakutalilaho, tweji kutanganga vyaMwangana Ndavichi, nakapolofweto Elija, nakaposetolo Paulu. Ava malunga vamwene milimo avahanyine Kalunga kupwa yayilemu. Nayetu nawa nge vanatuhane milimo muliuka lyaKalunga, kaha twatela kuyimona kupwa yayilemu.
3. Mwomwo ika vakweze vanakusakiwila kuvanangula? (Talenu muvwimbimbi wakulivanga.)
3 Yetu vavavulu twazanga milimo tweji kuzatanga, kaha twasaka Kwambu. 1:4) Kwalumuka kanechi chinanehenga ukalu kuli vaka-Kulishitu vamuchano. Milimo yavatu jaYehova yinakuvulilako chikuma mukaye. Omu tuli nakuzata milimo kana, tuli nakuzachisako jijila jeka jajihya jakuzachisa chinyingi chamakina. Vandumbwetu vaze vanakolo vanakuchiwana kupwa chachikalu kuzachisa chinyingi kanechi chamakina. (Luka 5:39) Kaha nawa tushinakaji kaveshi nangolo ngana mwavakwezeko. (Vishi. 20:29) Shikaho nachipwa chamwaza vakulwane kukafwa vakweze mangana vazate milimo yayinene.—Tangenu Samu 71:18.
kachi tuyizatenga myaka yosena. Oloze kufuma vene kumakumbi aAlama, chiseminwino hichisemunwino cheji kuhitanga nakuchishisa kuchikwavo. (4. Mwomwo ika vandumbwetu vamwe cheji kuvakaluhwilanga kuhanako vakwavo milimo? (Talenu lipwata lyakwamba ngwavo, “Ovyo Vatu Vamwe Kaveshi Kuhana Vakwavo Milimoko.”)
4 Vaze vanakutwaminyina muvikungulwilo vanahase kuchiwana kupwa chachikalu kuhana milimo yavo kuli vakweze. Vamwe veji kwivwanga kupihya kachi nge milimo valivwishilenga kuwaha navayizata jino kuli weka. Veka veji kushinganyekanga ngwavo vakweze kaveshi kuzata kanawa milimo kanako. Kaha nawa veka ngwavo kaveshi nalwola lwakunangula vakwavoko. Vakweze nawa vatela kupwa namuchima wakutalilila chikoki nge kaveshi nakuvazachisa chikuma muchikungulwiloko.
5. Vihula muka natushimutwila muchihande chino?
5 Tushimutwilenu kanawa hachihande kana mujijila jivali. Yatete, vakulwane vanahase kukafwa ngachilihi vakweze vazate milimo yayinene, kaha mwomwo ika kulinga ngocho chapwila chachilemu? (Chimo. 2, 2:2) Yamuchivali, mwomwo ika vakweze vatela kupwila namuchima wamwaza omu navazachilanga hamwe navakulwane nakulinangula kuli vakiko? Tuvangilenu kushimutwila omu Mwangana Ndavichi akafwile mwanenyi mangana akahase kuzata mulimo waulemu.
NDAVICHI ANANGWILE SOLOMONE NAKUMUKAFWA
6. Vyuma muka asakile kulinga Mwangana Ndavichi, kaha Yehova amulwezele ika?
6 Omu myaka yakulumbwangila yakumine, Ndavichi apwile jino mwangana, kaha atwaminenga Miji. 1, 17:1-4, 8, 11, 12; 29:1.
muzuvo yamwaza yauhando. Hakuwana nge kakwapwile “zuvo” chipwe tembele yakulemesela Yehovako, ngocho ashinganyekele vyakutunga zuvo kana. Shikaho alwezele kapolofweto Natane ngwenyi: “Tala, ami nguli nakutwama muzuvo yakutunga namishitale, oloze chikasha chalushiko lwaYehova chili nakutwama mumbalaka.” Kaha Natane amukumbulwile ngwenyi: “Linga vyeshovyo vili kumuchima wove, mwomwo Kalunga wamuchano ali nayove.” Oloze Yehova kajinyine ngochoko. Kaha alwezele Natane alweze Ndavichi ngwenyi: “Keshi yove naungutungila zuvo ngutwamengamoko.” Numba tuhu Yehova afwelelesele Ndavichi ngwenyi mwatwalaho lika kumukisula, oloze asakwile mwanenyi Solomone amutungile tembele. Uno Ndavichi alingile ngachilihi?—7. Ndavichi alingile ngachilihi kweseka navyuma amulwezele Yehova?
7 Ndavichi atwalileho lika kukundwiza mulimo kana numba tuhu keshi ikiye mwakayitungako. Kahomu vayitungile, vayivulukilenga ngwavo tembele yaSolomone keshi yaNdavichiko. Numba tuhu Ndavichi kavamwitavishile kuzata mulimo asakileko, oloze ikiye atwalileho lika kuukundwiza. Alongesele mazavu avaka-kuzata nakukungulula fwelu, unengu, palata, ulu, namishitale. Kufumaho akolezezele Solomone ngwenyi: “Ove mwanami, Yehova apwenga nayove. Ufukilenga mangana utunge zuvo yaYehova Kalunga kove, nge omu ahanjikile kutalisa kuli ove.”—Miji. 1, 22:11, 14-16.
8. Mwomwo ika Ndavichi ashinganyekele ngwenyi Solomone katelemo kuzata mulimo vamuhanyineko, oloze alingile ika?
8 Tangenu Mijimbu 1, 22:5. Ndavichi pamo ashinganyekele ngwenyi Solomone katelemo kuzata mulimo kanako. Kaha nawa yize tembele yatelelele kupwa “yaulangaji chikuma,” oloze Solomone apwile ‘kanyike, kaha nawa kapwile nachinyingiko.’ Chipwe ngocho, Ndavichi atachikijile ngwenyi Yehova mwakafwa Solomone azate mulimo amuhanyine. Shikaho Ndavichi atwalileho kulongesa vyuma vyavivulu vyakuzachisa.
KUNANGULA VAKWETU CHEJI KUNEHANGA KUWAHILILA
Tweji kwivwanga kuwaha hakumona vandumbwetu vavakweze navalisuula kuzata milimo yayinene (Talenu palangalafu 9)
9. Vakulwane navanganyala ngachilihi nge navahanako vakweze milimo yimwe? Hanenu chakutalilaho.
9 Vandumbwetu vavakulwane kavatela kwivwa kupihya kuhanako milimo yimwe vakweze muchikungulwiloko. Nachipwa chamwaza kunangula vakweze vazate milimo yayivulu. Vatela kwivwa kuwaha hakumona vakweze vaze vananangula vanatemo kuzata milimo yize vazachilenga vakiko. Chakutalilaho, achishinganyekenu chisemi anakunangulanga mwanenyi kutambukisa minyau. Nge mwana achili wamundende, eji kutalanga kaha ise omu ali nakutambukisa. Omu mwakola, Ise mwaputuka jino kumulweza mwakutambukishila. Kaha nge nahetesa lyehi myaka vetavisa kufulumende, hakiko mwaputuka jino kutambukisa oku ise chatwalaho lika kumunangula. Shimbu jimwe vanahase kulitambasana
hakutambukisa, oloze mukuhita chamyaka ou mwana jino ikiye mwatambukisanga chikuma hakuwana nge ise nashinakajiwa. Chisemi wamangana eji kwivwanga kuwaha hakumona mwanenyi ali nakuzata milimo atelanga kuzata yikiye. Chochimwe nawa vakulwane vatela kwivwa kuwaha hakumona vakweze vananangula vanatemo kuzata milimo yamuliuka.10. Mose evwilenga ngachilihi haulemu uze apwile nawo?
10 Yetu vakulwane twatela kulihenda kumuchima walwiso. Achitalenu vyuma alingile Mose omu vatu vamwe muchilombo chavaIsalele vaputukile kulinga nge muze valingilenga vapolofweto. (Tangenu Kulava 11:24-29.) Yoshuwa, uze apwile muka-kukafwa Mose asakile kuvakanyisa. Ashinganyekele ngwenyi vapwile nakutambula ulemu uze apwile nawo Mose. Oloze Mose ambile ngwenyi: “Uli nakwivwa lisungu hali ami tahi? Kanda nawivwa lisunguko. Ngunasake kachi vatu jaYehova vosena vapwenga vapolofweto, kaha Yehova kachi mwavahana shipilitu yenyi.” Mose atachikijile ngwenyi Yehova ikiye navasakula. Muchima asolwele Mose wasolola hatoma nge asakile ngolo apwile najo jipwenga nahali vangamba jaYehova veka nawa. Ngana mwaMose, nayetu twatela kwivwa kuwaha kuhanako vakwetu milimo yimwe yize tweji kuzatanga.
11. Ndumbwetu umwe ahanjikile ika omu ahanyine milimo azachilenga kuli ndumbwetu weka?
11 Makumbi ano tukwechi vyakutalilaho vyavivulu vyavandumbwetu vaze vanazatenga natwima hamyaka yayivulu, kaha nawa vananangulanga vakwavo vazate milimo yayinene. Chakutalilaho, ndumbwetu Peter nazatenga haofesi yamutango yamuEurope hamyaka 35, kaha myaka yosena nazatenga mumulimo washimbu yosena yinazomboka 74. Kalinwaha ngana apwanga kalama waLipatimende lyaMulimo. Oloze ndumbwetu wamukweze Paul uze nazachilanga hamwe nandumbwetu Peter ikiye anakuzata mulimo kana oholyapwa. Ndumbwetu Peter vamuhulishile ahanjike omu evwile hakuwana nge milimo azachilenga vanakuyizata jino kuli weka. Ambile ngwenyi: “Nguli nakwivwa kuwaha hakumona vandumbwetu navalisuula kuzata milimo yayinene kaha nawa vali nakuyitesamo kanawa.”
TWATELA KUMONA VAKULWANE MUCHIKUNGULWILO KUPWA VAVALEMU
12. Vyuma muka natulinangula kumujimbu wamuMbimbiliya waLehovowame?
12 Omu Solomone afwile, mwanenyi walunga Lehovowame ikiye apwile mwangana. Lehovowame ayile chatete kuli vakulwane vakamulweze mwakuzachila mulimo wenyi. Oloze kakavangijile vyuma vamulwezeleko. Akavangijile vyuma vamulwezele vakwavo vakweze vaze muvakolelelele hamwe, vaze vapwile vaka-kumuzachila. Chuma kana chanehele ukalu waunene chikuma. (Miji. 2, 10:6-11, 19) Chuma muka natulinangulako? Chapwa chamwaza kuhulisa vakulwane vaze vapwa vasachitetahundu mumilimo, nakukavangiza vyuma navatulweza. Numba tuhu vakweze vanahase kwalumunako jijila jakuzachilamo vyuma vimwe, oloze nachipwa chamwaza nawa kwivwilila vyuma navavalweza vakulwane.
13. Vakweze muchikungulwilo vatela kuzachila ngachilihi hamwe navakulwane?
13 Vakweze vamwe vakiko jino vali nakutwaminyina milimo muchikungulwilo. Numba tuhu vakweze kana navazata jino milimo yayinene, oloze vatela kuhulisa vakulwane vaze vanakolo vavakafwe shimbu kanda vasakule vyakulinga. Ndumbwetu Paul twavulukanga hakavanga, uze ashishile ndumbu Peter ambile ngwenyi, “Ngwahulishilenga ndumbu Peter lwola lwosena angukafwe mwakulingila, kaha ngwakolezezele navakwetu valingenga mwomumwe.”
14. Vyuma muka tunalinangula kuli Paulu naChimoteu hakuzachila hamwe?
Wavaka-Fwilipi 2:20-22.) Paulu asonekelele vaka-Kolinde ngwenyi: “Nguli nakumitumina Chimoteu, mwomwo apwa mwanami ngwazanga muli Mwata kaha nawa wakushishika. Mwakamyanukisanga jijila jami jakulingilamo vyuma vyakupandama kuli Kulishitu Yesu, nganomu nguli nakunangula kwosena muchikungulwilo hichikungulwilo.” (Koli. 1, 4:17) Awa mazu asolola omu Paulu naChimoteu vazachililenga hamwe. Paulu anangwile Chimoteu ‘jijila jakulingilamo vyuma vyakupandama kuli Kulishitu.’ Chimoteu ahakile mangana kuvyuma vapwile nakumunangula, ngocho Paulu amuzangile chikuma, kaha afwelelele ngwenyi mwatesamo milimo amutumine kuzata muKolinde. Vakulwane muvikungulwilo makumbi ano vatela kulondezeza chakutalilaho chaPaulu hakunangula vakwavo.
14 Mukweze Chimoteu azachilenga hamwe nakaposetolo Paulu hamyaka yayivulu. (TangenuTUVOSENA TUKWECHI MULIMO WAKUZATA
15. Mazu ahanjikile Paulu kuli vaka-Kulishitu vamuLoma anahase kutukafwa ngachilihi nge vyuma vimwe vinalumuka?
15 Tuli nakuyoyela mulwola lwamwaza. Liuka lyaYehova lyahamavu lili nakuzovoloka, kaha kuzovoloka kana chinakuneha kwalumuka chachivulu. Nge vyuma vinalumuka, twatela kulinyisa, nakuhaka muchima kuvyuma asaka Yehova keshi kuvyuma twasaka etu vaveneko. Echi cheji kulingisanga vatu valinunge. Paulu asonekelele vaka-Kulishitu vamuLoma ngwenyi: “Nangwamba kuli mutu himutu ali muli enu ngwami, kanda alishinganyeka mweka mwakuhambakana omu mwatela kushinganyekako. Oloze kushinganyeka chenyi chipwenga chamangana, nganomu Kalunga nahane mutu himutu seteko yenyi yalufwelelo. Mwomwo nganomu tuli navilyo vyavivulu kumujimba umwe, vilyo vyosena evi kavyeshi kuzata mulimo woumweko, ngocho nayetu nawa, numba tuhu tuvavavulu, tunapu mujimba umwe muli Kulishitu.”—Loma 12:3-5.
16. Vyuma muka vatela kulinga vandumbwetu vavakulwane navakweze hamwe kaha namapwevo javo, mangana vatwame mukuunda nakulinunga muchikungulwilo?
16 Chamokomoko nakwalumuka chavyuma, tuvosena twatela kuzata nangolo mangana milimo yaYehova yiyenga kulutwe. Enu vakulwane, mwatela kunangula vakweze vazate milimo muli nakuzata. Enu vandumbwetu vavakweze, yitavilenu milimo, pwenu vakulikehesa nakuvumbika vakulwane. Nayenu mapwevo mwasomboka nawa, londezezenu Pilishila pwevo lyaAkwila, uze akundwijilenga lunga lyenyi omu vyuma vyalumukile mukuyoya chavo.—Vili. 18:2.
17. Yesu atachikijile ngwenyi tumbaji twenyi navakatesamo mulimo muka?
17 Yesu ikiye kaha atuhana chakutalilaho chakulipwila chakunangula vakwetu vazate kanawa milimo. Atachikijile ngwenyi mulimo wenyi wahano hamavu naukakuma, kaha veka navakatwalililaho kuuzata. Numba tuhu tumbaji twenyi kavapwile vakukupukako, oloze avafwelelele nakuvalweza ngwenyi navakazata milimo yayinene kuhambaka yize azachile ikiye. (Yowa. 14:12) Avanangwile kanawa, kaha vatandakanyishile mujimbu wamwaza mukaye kosena.—Kolo. 1:23.
18. Vyuma muka tuli nakutalilila kulutwe, kaha twatela kulinga ika oholyapwa?
18 Omu Yesu afwile, asangukile nakuya mwilu kaha vamuhanyine milimo yayivulu nangolo “[ja]kuhambakana chikuma jifulumende josena, namawata osena, nangolo josena, nautwamina wosena.” (Efwe. 1:19-21) Nge natushishika palanga nakukufwa shimbu kanda Alamangetone, kaha natukasanguka mukaye kakahya kakwoloka, muze namukapwa milimo yayivulu yakutusuulwisa. Oloze hali yino shimbu, tuvosena tuli namulimo waulemu wakwambulula mujimbu wamwaza kuvatu nakuvalingisa vapwenga tumbaji. Shikaho tuvosena vakweze navakulwane tutwalenuho lika kupwa “navyuma vyavivulu vyakuzata mumulimo waMwata.”—Koli. 1, 15:58.