Valunga napwevo vaze valimbata, vaze veji kutanganga mijimbu yakuyoya chavatu chimene hichimene vambile ngwavo: “Mijimbu kana yinatukolezeza chikuma nakupwa vakuwahilila. Yeji kutukafwanga tumone ngwetu nayetu nawa tunahase kupwa vakushishika numba tuhu tuli nakumona vyeseko.” Ndumbwetu wapwevo uze evwile mwomumwe asonekele ngwenyi: “Eyi mijimbu yakuyoya chavatu yeji kunguvendejekanga, nakungukunyula nakungusuulwisa. Vandumbwetu vapwa vakuwahilila kaha nawa vakusuuluka mukuyoya chavo. Mijimbu yavo yeji kungukunyulanga nguzate chikuma mumulimo wakwambulula nakungukafwa nawa ngukolezeze vana vami vazane mumulimo waYehova washimbu yosena.”

Mijimbu yakuyoya chavatu yinahase kutukunyula tufwile kulitomena vyuma vyamwaza vyakulinga, nakuhonesa tutenga twetu, nakupwa lika vakuwahilila nakuhona kwivwa sonyi chamokomoko navyeseko. Uno kulihi munahase kuwana mijimbu kana?

• Yenu ha jw.org havihande vyakwamba ngwavo “Life Stories of Jehovah’s Witnesses” chipwe ha JW Library®.

• Tondenu vihande vyaChingeleshi vyakwamba ngwavo “Life Stories of Jehovah’s Witnesses,” vize vili haWatchtower ONLINE LIBRARY^™ chipwe haWatchtower Library.