“Hamakumbi aze ngweji kuhombanga, Yehova eji kungukolezezanga kuhichila mumyaso yaha JW Broadcasting^®.”—Lorraine, U.S.A.

Kwimba “myaso yakushipilitu” chapwa hikulemesa Kalunga. (Kolo. 3:16) Nge namulinangula myaso kana nakuyilamina mumitwe, kaha yinahase kumikafwa nahalwola luze kamweshi kukapwa namukanda wamyaso chipwe nashingako. Esekenu kulinga vyuma vinakavangizaho mangana mulamine myaso mumitwe.

• Tangenu kanawa mazu amwaso mwivwishise omwo walumbunukila mwaso kana. Nge munatachikiza mwalumbunukila chuma, kaha chinahase kupwa chachashi kuchanukanga. Ha jw.org hatwama mazu amumyaso yetu yosena, kuhakilako vene namyaso yikwavo yamuliuka namyaso yavanyike. Myaso kana yatwama haze vanasoneka ngwavo Chisete, kaha namunyachika haze vanasoneka ngwavo Myaso.

• Sonekenu mazu amumwaso kana. Echi nachimikafwa mwanuke chikuma mazu amumwaso.—Lushi. 17:18.

• Imbilenunga helu nge muli nakulihitulwisa mwaso. Tangenu mwaso chipwe kuwimbila helu kuswakumwe.

• Esekenu mumone ovyo munanukako. Esekenu kwanuka mazu chakuzeneka kutala hamukanda, kufumaho monenu nge munavihase.