“Vavavwovu Navakaheta Mavu”
Etu vavavulu tunamono omu vatu vamwe vanahingikanga chiyulo nakuyanjisa vatu vakuzeneka mulonga. Kutala nakukapwa lwola luze navakafumisako vatu vakuhuka nachiyulo chakuhenga tahi?
MuMbimbiliya, mukanda waSamu 37 wakumbulula chihula kana nakutuhana jindongi jakututwaminyina makumbi ano. Achitalenu omu Mbimbiliya yakumbulula vihula vyavilemu vinakavangizaho.
Vyuma muka vize katwatela kulinga kuli vatu vaze navatuyanjisako?—Vesi 1, 2.
Vyuma muka navikasoloka kuli vaka-kuhuka?—Vesi 10.
Vyuma muka twatela kulinga oholyapwa?—Vesi 34.
Mazu vahwima aze atwama hali Samu 37 asolola hatoma omu navakayoya vatu vaze ‘vatalilila kuli Yehova, nakukavangiza jila yenyi.’ Vinjiho jaYehova navawahilila kumikafwa mulinangule Mbimbiliya nakutachikiza omu munahase kusakula kulinga vyuma vize navimikafwa mukayoye kanawa kulutwe.
Pamo Nauzanga Nawa
VYAYETU
Mwomwo Ika Twatela Kulinangwila Mbimbiliya?
Mbimbiliya yinakukumbulula vihula vyavilemu vyavatu vavavulu mukaye. Kutala nayenu namusaka mbimbiliya yikumbulule vihula vyenu tahi?
KUKUMBULULA VIHULA VYAKUPANDAMA KUMBIMBILIYA
Uno haMavu Nahakapwa Ngachilihi Kuunda?
Fwilenu kutachikiza omu Kalunga mwakatesamo jishiko jenyi jakuneha kuunda mukaye kosena kuzachisa Wangana wenyi.
