UNO VALINGILE VYAKUTENGA TAHI?
Chimbangachi chaKatutu WakuLikundu lyaSahara
OU katutu wakuSahara vamutachikiza kupwa katutu umwe uze azanga kutwama kuchihela chizuma chikuma. Omu weji kutwanga chikuma musana mulikundu lyaSahara, tututu vavavulu veji kusakanga kuswama mumivule, kahou katutu jino eji kuyanga nakutondatonda vyakulya, kaha eji kuwananga tututu veka vaze vanafu mwomwo yakuzuma chikuma.
[50] μm
Achishinganyekenu hachumechi: Katutu wakulikundu lyaSahara atwama nachimbangachi chize chatwama namangona akulipwila helu lyacho namujihachi jamujimba wenyi, oloze mujimo lyenyi kamwatwama mangonako. Mangona aze eji kumulingisanga ashikime, apwa kwijiva nge tumiyengo twatundende twajisali jitatu. Kujisali jawo jivali kwatwama tumangona twatusuku twatundende chikuma tuze vanahase kumona kaha namakina, oloze mujimo lyenyi mwapwa mushikima. Jila vatengelamo mujimba wenyi yeji kumukafwanga mujijila jivali. Jila yatete, mangona ahamujimba wenyi eji kupeulanga musana hamavu. Jila yamuchivali, shina yakukafwa ou katutu apeule ngolo jamusana uze nawingila mumujimba wenyi. Kaha mujimo lyenyi muze kamwatwama mangonako, mweji kumukafwanga apeule kuzuma chize cheji kufumanga hamavu. *
[10] μm
Chimbangachi chayou katututu wakulikundu lyaSahara cheji kukafwanga mujimba wenyi uhone kuzuma chikuma. Jila vatengelamo ou katutu yinalingisa vaka-kuhehwojola vaputuke kutunga vyuma mujila yakulipwila vize navihonesa kuzuma chikuma.
Munashinganyeka Ngachilihi? Kutala chimbangachi chayou katutu wakulikundu lyaSahara chalijililile chivene tahi, nyi valingile chakutenga?
^ par. 4 Vyuma vikwavo atwama navyo ou katutu shina protein yakulipwila yamumujimba wenyi yize kayayengunuka washi nge kunazumu chikumako, atwama namahinji amasuku aze eji kumukafwanga alahe washiwashi hausekeseke uzuma kaha nawa vamutenga mujila yamwaza yize yeji kumukafwanga ahase kukinduluka washi kuwina wenyi.
Pamo Nauzanga Nawa
TONENU
Shingo yaKazenene
Uno ou katutu nahase kumbata ngachilihi vyuma vyavilemu chikuma kuhambakana mujimba wenyi?
