VYUMA NAVIMIKAFWA MUKEHESEKO KULIZAKAMINA
Munahase Kuyoya Chakuzeneka Kulizakamina
Mangana amuMbimbiliya anahase kutukafwa tukeheseko kulizakamina. Etu katweshi nangolo jakufumisako vyuma vize vinahase kutulingisa tulizakamineko. Oloze Tengi yetu nahase kuvifumisako. Kaha nawa atongola Yesu Kulishitu mangana atukafwe. Kalinwomu alinge vyuma vyavivulu vyakukomwesa chikuma kuhambakana navize alingile omu apwile hano hamavu. Chakutalilaho:
YESU MWAKOKA VAVEJI NGANA MUZE ALINGILE OMU APWILE HANO HAMAVU.
“Vamunehelelele vosena vaze vapwile nakuviza misongo yeka nayeka . . . , kaha avokile.”—MATEU 4:24.
YESU MWAKAHANA VATU VOSENA JIZUVO NAVYAKULYA.
“Navakatunga jizuvo javo, [kulumbununa vaze mwakayula Kulishitu] kaha navakatwamangamo, navakalimanga mande amivinyo, kaha navakalyanga mihako yayo. Kaveshi kukatunga jizuvo javo mangana veka vakatwamengamoko, kaveshi kukalima mangana veka vakalyenga vyuma vanalimiko.”—ISAYA 65:21, 22.
CHIYULO CHAYESU NACHIKANEHA KUUNDA NAMUKINGO.
“Mumakumbi enyi, vaka-kwoloka navakafukilanga, kaha nakukapwa kuunda chamwenemwene palanga nomu mwakalinga kakweji wauchiko. Mwakayulanga kufuma kukalungalwiji nakuheta kukalungalwiji mukwavo, kufuma kuKalwiji nakuheta kusongosongo yamavu. . . . Kaha vaka-kole jenyi navakalesa lukungu.”—SAMU 72:7-9.
YESU MWAKAFUMISAKO VIYULO VYAKUHENGA.
“Mwakevwila keke vaka-kukalikiza navaka-kuhutwa, mwakalwila myono yavaka-kuhutwa. Mwakavapululula kuluyanjisa nakuulyanyi.”—Samu 72:13, 14.
MWAKAFUMISAKO NAWA KUYANDA NAKUFWA.
“Kufwa kacheshi kukapwako chekako, kaha nawa kakweshi kukapwa cheka kulishona, chipwe miteto, chipwe kukolako.”—KUSOLOKA 21:4.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Uno Wangana waKalunga Naukatesamo Vyuma Muka?
Fwilenu kutachikiza vyuma nayikatesamo fulumende yaKalunga omu nayikaputuka kayula hano hamavu.
