Munahase Kuwana Mangana
“Visoneka vyosena vavihwima kuli Kalunga.” (WaChimoteu 2, 3:16) Lizu ‘kuhwima’ vavuluka hali eyi vesi lyalumbununa nge Kalunga Wangolo Josena ahakile vishinganyeka vyenyi muli vaka-kusoneka Mbimbiliya.
Kalunga Ali Nakusaka Mangana Enyi Amikafwe
“Ami Yehova yami . . . [ngweji] kuminangulanga mangana munganyale, [yami ngweji] kumitwaminyinanga mujila yize mwatela kuya. Kachi nge namwivwililanga jishimbi jami kaha kuunda chenu nachipwanga nge kalwiji, kwoloka chenu nachipwanga nge makimba akalungalwiji.”—ISAYA 48:17, 18.
Anukenu ngwenu, Kalunga ali nakuhanjika mazu kana kuli yenu. Asaka mupwenga nakuunda chamwenemwene nakuwahilila. Kaha asaka kumikafwa.
Munahase Kuwana Mangana aKalunga
“Mujimbu wamwaza watela . . . kuwambulula muli vaka-mafuchi osena.”—MAKO 13:10.
‘Mumujimbu wamwaza’ mwatwama najishiko jaYehova jakukafumisako kuyanda, nakukalingisa mavu kupwa palachise nakukasangula vafu. Vinjiho jaYehova vali nakwambulula mujimbu kanou wamuMbimbiliya mukaye kosena.
Pamo Nauzanga Nawa
KAPOSHI KAKUTALILA
Mbimbiliya hiMukanda Wahanjika Vyuma vyaMuchano
Mwatela kufwelela chikupu ngwenu vyuma yahanjika Mbimbiliya vyamuchano.
