MUKAYE MULI UKALU
3 | Zamisenu Usepa naUsoko Wenu
OVYO CHAPWILA CHACHILEMU
Hakuwana nge ukalu unakuvulilako lika muno mukaye, ngocho chinakulingisa vatu vavavulu vahone kulikata navakwavo.
-
Vatu veji kulihandulanga kumasepa javo.
-
Vaze valimbata veji kulikokojwesanga chikuma.
-
Visemi vamwe kavazakama chipwe kuhaka mangana kuukalu vali nakumona vana vavoko, veka veji kuzakamanga vana vavo chindende kaha.
Vyuma Mwatela Kutachikiza
-
Masepa vapwa vavalemu mwomwo veji kutukafwanga shimbu yosena, chikumanyi nge tuli muukalu.
-
Ukalu uli nakusoloka mukaye unahase kulingisa tanga yenu yiyande mujijila jakulisezaseza.
-
Tachikizenu ngwenu mijimbu yayipi yinakusoloka mukaye yinahase kulingisa vana venu valizakamine chikuma.
Vyuma Mwatela Kulinga
Mbimbiliya yahanjika ngwayo: “Sepa wamwenemwene eji kuzanganga sepa lyenyi shimbu yosena, kaha napu nge hindumbwenyi uze mwamukafwa mulwola lwavihuli.”—Vishimo 17:17.
Shinganyekenu hamutu mwafwelela chikuma uze nahase kumikafwa. Kutachikiza ngwenu kuli mutu uze nahase kumikafwa, chinahase kumilingisa mulipike naukalu uze muli nakumona.
Pamo Nauzanga Nawa
TONENU
Vyuma Navitukafwa Tutwamenga muKuunda naVakwetu
Vilinga muka twatela kupwa navyo vize navitukafwa tutwame mukuunda navakwetu?
