Muyachi Umwe Wamwaza waMikewe
MUMUSENGE watwamina kuCentral naSouth America mwatwama tujila vamwe vaulombo wamwaza chikuma. Mulikulukaji lyamyaka lyakusokesa 15, vatu vamwe vafumine kuEurope nakuya nakutala vyatwama mumisenge kana, valikomokele chikuma hakuwana muyachi umwe wamikewe wamwaza. Tujila kana vatwama navizuku vyavisuku naulombo wamwaza. Nakushimbula chiku, ava tujila vavahakilenga hamivwimbimbi yamisenge kana nakusolola nge hichihela chamwaza chikuma mulifuchi kana.
Ava tujila vatwama naulombo wamwaza chikuma, kaha hakuvatala veji kwivwisanga chiseke. Vapwa vakuzangama, kaha nawa vasaka kuhema nakuneha vyema chikuma. Nachimene omu kweji kuchanga, veji kutukanga chendo kafwe 30 nakuya nakutonda vyakulya vyakufwana nge mihako, namanona navyakulya vyeka vyangana. Nge vali nakulya, veji kupachika vyakulya navyala, kaha hinavatanya namuvumbo. Mivumbo yavo yapwa yakuvambuka kaha lwola lumwe yeji kupazula namikoswa yakukola yakufwana nge yajicha. Nge vanekuta, veji kuyanga kungenge yakalwiji nakunjonjanjonja usekeseke mangana vafumise ulembe muvyakulya vanali.
15]
Ava tujila veji kulimbatanga nakutwama hamwe myaka yosena nakulela vana vavo. Veji kusemenanga mujipako, nakumena akujipili, nakungenge yakalwiji. Halwola kana ava tujila veji kuliwahisanga umwe namukwavo. Numba tuhu ava tujila vanahase kuhandula vana vavo hatukweji 6 kufuma hakuvatota, oloze veji kuvalelanga lika hamyaka yitatu. Tujila kana veji kuyoyanga myaka 30 chipwe 40 mumusenge, oloze nge vali nakuvalama kuvatu vanahase kutwama myaka 60 nakuhambakanyisaho. Ava tujila vatwama mumiyachi 18 yakufwana nge eyi yili hano.
Mukewe-wamafwo amatamba, uze vavuluka nawa ngwavo mukewe uchila. Kusuhwa chenyi: 95 cm
Mukewe uchila chikuma. Kusuhwa chenyi: 85 cm
Mukewe waulombo wakulisezaseza. Kusuhwa chenyi: 100cm . Wamusuku kuhambakana vakwavo vosena, alema 1.3 kg
“Vyuma vyosena [Kalunga] navitenge mujila yamwaza halwola lwavyo.”—Muka-kwambulula 3:11
Pamo Nauzanga Nawa
TONENU
Mavava aTujila Vakutuka Mwilu
Kulondezeza omu vatunga tujila chakafwile vaka-kutunga jindeke valame jilita kafwe 7,600 jamaji amundeke mumwaka umwe kaha.
