MAFUCHI NAVATU
Kuya kulifuchi lyaSpain
MULIFUCHI lyaSpain mwatwama vyuma vyakulisezaseza navatu vakulisezaseza. Mulifuchi kana mwavula chikuma mande atiliku, namivinyo namitondo yamilive. Kusulo yalifuchi kana kwatwama tunda yajikilomita 14 yize yatwama nameya, kaha meya kana akiko ahandununa lifuchi kana kulitungu lyaAfrica.
Lifuchi kana lyatwamina kusulo yalitungu lyaEurope, kaha mwatwama vatu vakufwana nge vaFwenyisha, navaHelase, navaCarthage. Omu vaLoma vejile mulikulukaji lyamyaka lyamuchitatu B.C.E., vafungulwile ngalila yimwe yalifuchi kana nakuyivuluka ngwavo Hispania. Hakavanga mulifuchi kana mwapwilenga vaVisigoths navaMoors, kaha vosena vafuminemo nakusezamo visemwa vyavo.
Mumwaka umwe wakalinwomu, vatu vakuhambakana hajimiliyoni 68 vatambukilile lifuchi lyaSpain. Vavavulu veji kuyanga nakutala visekeseke, nalikumbi, navyuma vyakutengatenga, namijimbu yakunyima, najizuvo jatwamamo. Vatu vavavulu veji kukatukilanga nawa vyakulya vyamwaza vyamulifuchi kana. Mwatwama vyakulya vyakufwanga nge vyakulya vyamukalungalwiji, nanyama, namakunde, navisakwola, namafwo namaji amilive, namaulu, navyakulya vyeka vize veji kuwahisanga kanawa.
Kulya vavuluka ngwavo Mariscada chikiko chavula mulifuchi kana
Vasaka wino vavuluka ngwavo flamenco
Vatu vamulifuchi lyaSpain vapwa vachisambo chikuma, kaha nawa vasaka kushimutwila. Vavavulu valivuluka kupwa vaka-Katolika, oloze kaveshi kwazana muvilika vyamuchachi kanako. Mumyaka yakalinwomu, vatu vakufuma muAfrica, naAsia naLatin America vanalukilanga kuSpain. Vavavulu veji kwivwanga kuwaha kushimutwila havisemwa navyuma vyamukwitava vafwelela. Vinjiho jaYehova vali nakulivwisanga kuwaha kushimutwila navatu kana, kaha vali nakuvakafwa vatachikize vyuma yanangula Mbimbiliya.
Mu 2015, Vinjiho vakuzomboka ha 10,500 valisuwile kutunga nakutungulula vihela 70 veji kukungulukilanga, vize vavuluka ngwavo jiZuvo jaWangana. Vaka-fulumende vanavahanenga vihela vyakutungila eji jizuvo. Hakusaka kukafwa vamwiza, Vinjiho jaYehova veji kuzachisanga malimi 30 kuhakilako nalilimi lyaSpanish hakukunguluka chavo. Mu 2016, vatu vakuzomboka 186,000 vapwile kuchilika chakulipwila chakwanuka kufwa chaYesu Kulishitu chize veji kulinganga Vinjiho jaYehova mwaka himwaka.
Pamo Nauzanga Nawa
TONENU
Kuya kulifuchi lyaNew Zealand
Numba tuhu lifuchi lyaNew Zealand lyatwama kwauka walyo, oloze mwaka himwaka vatu vakuheta kujimiliyoni jitatu veji kuyanga nakutala lifuchi kana. Chuma muka cheji kulingisanga vatu vayenga kulifuchi kana?
TONENU
Kuya kuLifuchi lyaKazakhstan
Mumyaka yinahichimo kunyima, vatu vamulifuchi lyaKazakhstan vapwilenga vaka-kunungwojoka kaha nawa vatwaminenga mujizuvo vavuluka ngwavo yurts. Uno chiyoyelo chavo makumbi ano chasolola ngachilihi visemwa vapwilenga navyo vakakuluka javo?
TONENU
Kuya kuLifuchi lyaKyrgyzstan
Vatu vamuKyrgyzstan vapwa vakalemesa kaha nawa vatwama nazumbu. Visemwa muka vyatwama mujitanga javo?
TONENU
Kuya kuLifuchi lyaLiechtenstein
Vyuma muka vyeji kulingisanga vatu vakumafuchi eka vayenga kulifuchi kana?
TONENU
Kuya kuLifuchi lyaUzbekista
Linangulenu vyavivulu vyalifuchi lyaUzbekistan nomu vaputukile kuzachisa vasona valilimi lyaUzbek.
TONENU
Kuya kulifuchi lyaNicaragua
Chijiva kana chikiko kaha chatwama nameya akuzeneka mungwa, muchijiva kana mwatwama vapungu, naveka vakusongoloka mivumbo navaishi vavanene vavuluka ngwavo vashark.
