CHIHANDE CHACHINENE | KWAFUMA NGOLO JAKULINGA VYUMA VYAKUKOMWESA
Mbimbiliya Yanangula Vyuma Muka Kutalisa kuKupanda?
NUMBA tuhu vatu vavavulu vamona vyuma vyakupandama kuvandemone nakukupanda kupwa hikuhema kaha vize vanahase kutala mujivindiyo namuvyuma vyeka, oloze Mbimbiliya yamona vyuma kana mujila yeka. Yatulweza hatoma tulihende kukupanda. Chakutalilaho, mukanda waLushimbi lwamuchivali 18:10-13 wamba ngwawo: “Muli enu kanda mukapwa . . . muka-kutaha ngombo, chipwe muka-kulinga visava, chipwe muka-kutahisa vitaho, chipwe muka-kupanda, chipwe muka-kuhelama vakwavo, chipwe muka-kutahisa vashipilitu, chipwe muka-kulweza vyuma vyakulutwe, chipwe muka-kwihula vafuko.” Mwomwo ika? Mukanda kana wamba nawa ngwawo: “Weshowo mwalinga vyuma kanevi napu waunyengwe kumeso aYehova . . . Pwenunga vazeneka chuma chakumihanyina mulonga kumeso aYehova Kalunga kenu.”
Mwomwo ika Mbimbiliya yatulweza tulihende kuvyuma vyakupanda vyosena?
OKWO KWAFUMA KUPANDA
Mbimbiliya yatulweza ngwayo, shimbu kanda Kalunga atenge mavu, alivangile kutenga mayevuyevu avatu vakushipilitu chipwe ngwetu vangelo. (Yopa 38:4, 7; Kusoloka 5:11) Vangelo vosena vavatengele nalisesa lyakulisakwila vyakulinga, vakwechi uhashi wakusakula vyuma vyakwoloka chipwe vyakuhenga. Vangelo vamwe vasakwile kulikanga kuli Kalunga, ngocho vasezele vihela vyavo mwilu nakwiza nakuneha lamba hano hamavu. Echi chalingishile hamavu ‘hosena hapwenga ulyanyi lika.’—Kuputuka 6:2-5, 11; WaYuta 6.
Kusoloka 12:9) Veji kuluwanganyisanga vatu nakuvalingisa vafwile chikuma kutachikiza vyuma vyakulutwe.—Samwele 1, 28:5, 7; WaChimoteu 1, 4:1.
Mbimbiliya yahanjika ngwayo, vaze vangelo vakuhuka vatwama nangolo chikuma, kaha vali nakuhungumwisa vatu vavavulu. (Vandemone veji kusolokanga nge vanahase kukafwa vatu. (Wavaka-Kolinde 2, 11:14) Olozenyi vangelo vakuhuka vali nakwilavisa vishinganyeka vyavatu mangana vahone kutachikiza muchano hali Kalunga.—Wavaka-Kolinde 2, 4:4.
Shikaho Mbimbiliya yasolola ngwayo, kulivwasana navashipilitu vakuhuka chapwa hiponde yayinene. Omu vatu vaze vafwililile kupwa tumbaji twaYesu vavanangwile valihende kukupanda, ‘vaze valingilenga visava vyakupanda vakungulwile mikanda yavo hamwe nakuyocha,’ numba tuhu mikanda kana yapwile yajimbongo jajivulu.—Vilinga 19:19.
“Vakweze vamapwevo vali nakufwelela chikuma muvyuma vyakupanda mwomwo yauloji uze vali nakusololanga hajitelevijini, namujivindiyo, namumikanda.”—Gallup Youth Survey, 2014
Chochimwe namakumbi ano nawa, vatu vavavulu kaveshi nakusaka kwazana muvyuma chipwe mukuhema chize chakundwiza kupandako. Chakutalilaho, omu Maria * apwile namyaka yakusemuka 12, apwilenga nakutahisa vyuma chipwe ponde yize nayisoloka kulutwe. Apwile nakutahilanga vakwavo vaka-shikola, kaha hakuwana nge vyuma apwile nakutaha vyateselengamo, ngocho andupukilile muvyuma vyakupanda.
Maria ashinganyekelenga ngwenyi Kalunga ikiye amuhanyine wana kana mangana ahase kukafwa vatu. Oloze ambile ngwenyi: “Kwapwile vyuma vimwe vize vyangwivwishilenga kupihya. Ngwapwile nakutahilanga kaha vakwetu, oloze yami ivene ngwahonenenga kulitahila. Kangwahashilenga kutachikiza vyuma navisoloka mukuyoya chami kulutweko.”
alombele kuli Kalunga, kaha kutwala muze vamutambukilile kuli Vinjiho jaYehova vaze vaputukile kumunangula Mbimbiliya. Kulinangula Mbimbiliya chakafwile Maria atachikize ngwenyi, uhashi wenyi wakutahisa kawafumine kuli Kalungako. Alinangwile nawa nge, vosena vaze vasaka kupwa masepa jaKalunga vatela kumbila vyuma vyosena vize vyakundwiza kupanda. (Wavaka-Kolinde 1, 10:21) Vyuma muka vyafuminemo? Maria ambilile mikanda navyuma vyeka vize vyapandama kukupanda. Oholyapwa jino Maria eji kwambulilanga vakwavo muchano uze nalinangula muMbimbiliya.
Hakuwana nge Maria apwile navihula vyavivulu vize vyamuyanjishilenga,Omu Michael apwile mukweze, azangilenga chikuma kutanga mikanda yamijimbu yakupanda. Ambile ngwenyi: “Ngwasakilenga kutachikiza vakwetu vakweze vaze vazovolokele chikuma mukupanda.” Chikoki chikoki, Michael aputukile kwijilila kutanga mikanda yize yakundwijilenga visava nakupanda. Michael ambile nawa ngwenyi: “Hakuwana nge ngwasakilenga kutachikiza vyavivulu, echi changulingishile ngufwile kutanganga mikanda nakutala mivwimbimbi yize yahanjikilenga chikuma havyuma kana.”
Kutwala muze, kulinangula Mbimbiliya chalingishile Michael afwile kuhunanana chikuma havyuma apwile nakutanga. Ambile ngwenyi: “Ngwasonekele vyuma vyosena vize vyakundwijilenga kupanda, kaha ngwavimbilile. Chikupu vene, ngwalinangwile chishina chachilemu chikuma. Hali Wavaka-Kolinde 1, 10:31, Mbimbiliya yamba ngwayo: ‘Lingenunga vyuma vyosena mujila yize nayimutohwesa Kalunga.’ Oholyapwa jino ngweji kulihulisanga ngwami, ‘Uno vyuma ngweji kutanganga vinahase kungulingisa nguhone kutohwesa Kalunga tahi?’ Nge mukiko, kaha ngweji kulitwaminanga kuvitanga.”
Mbimbiliya vayivuluka ngwavo yapwa linongo. Yapwa himukanda wakupwila uze wasopolola kupanda. (Samu 119:105) Mbimbiliya yanangula nawa vyuma vyeka vyavivulu. Yatufwelelesa vyalifuchi lize kalyeshi kukapwa navandemoneko. Chiyoyelo chavatu nachikawaha chiyovo. Chakutalilaho, mukanda waSamu 37:10, 11 wamba ngwawo: “Kunasale kashimbu kakandende kaha, vaka-kuhuka kaveshi kupwako chekako. Naukatalatala kuze vapwanga, oloze kaveshi kukapwakoko. Oloze vavavwovu navakaheta mavu, Kaha navakalivwisa kuwaha kuunda chamwenemwene.”
^ par. 10 Majina amwe ali muchihande chino vanawalumuna.