Nge ngwetu eyo, kaha twatela kuzata nangolo mangana tukeheseko kuyanda.

Vyuma muka vali nakulinga vatu vize vili nakuneha kuyanda kutalisa kuvyuma vino?

• Luyanjisa.

  Liuka lyaWorld Health Organization (WHO) lyawana nge havakulwane 4 umwe vamuyanjisaho lyehi omu apwile kanyike, kaha hamapwevo 3 umwe vamuyanjisaho lyehi, luyanjisa kana lunahase kupwa lwakumusavala chipwe kumupika chipwe vyosena vivali.

• Kufwisa.

  Kweseka nakulava chapwileko mu 2018, liuka lyaWorld Health Organization lyawanyine nge: “Mumwaka wa 2016 mukaye kosena vawanyine nge vatu vakuheta ku 477,000 vavajihile. Vatu kanava valiwezele hamukana wavatu vakuheta ku 180,000 vaze vafwile kujita nakuukalu weka mumwaka vene uze.”

• Kuhona Kupwa vaKulikangula.

  Chihande chize vasonekele mumangazini yaNational Geographic, Fran Smith asonekele ngwenyi: “Vatu vakuzomboka hamiliyoni yimwe veji kunwanga makanya, kaha vanawane nge makanya ali nakujiha chikuma vatu nganomu musongo wamuchima, nakalepa nakasa yakumahuyungu yili nakujiha chikuma vatu.”

• Uhutu.

  Jay Watts uze alinangula vishinganyeka vyavatu ambile ngwenyi: “Vatu veji kuvayanjisanga mwomwo yachiyoyelo chavo, nachikova chavo, mwomwo yakunungwojoka chipwe mwomwo yakupwa lunga chipwe pwevo. Kaha nawa kumona vatu ulumbi mwomwo yachisemwa chavo chinakuneha ukalu.”

  LINANGULENU VYAVIVULU

  Yenu ha jw.org mutale vindiyo yakwamba ngwavo, Mwomwo Ika Kalunga Atengelele Mavu?.

Ukalu wauvulu unakusoloka makumbi ano unakufuma kuvatu.

Ukalu waunene nawa unakufumanga kujifulumende, echi chili nakulingisa vatu vamone chikuma ukalu mukuyoya.

“Mutu nashinyinyika mukwavo mutu mangana amuyanjise.”—MUKA-KWAMBULULA 8:9.

Ukalu vanahase kuukehesa.

Jindongi jamuMbimbiliya jeji kukafwanga vatu vapwenga namijimba yakulikangula nakutwama mukuunda navakwavo.

“Muchima wakuunda weji kunehanga kuyoya kumujimba. Oloze lisungu linapu nge musongo wakupolesa vifuwa.”—VISHIMO 14:30.

“Mbilenu koko yosena, namatoto, nautenu, nakukalwomwoka, nahanjikiso yakasautu, navyuma vyavipi vyosena.”—WAVAKA-EFWESU 4:31.