Chakutalilaho, vatu vamwe vanahanjikanga ngwavo Mbimbiliya yinavanganyalisa hakuyitanga hakumbi hakumbi nakuzachisa jindongi jayo mukuyoya chavo.

Fiona ambile ngwenyi: “Nguli nakuyoya jino mujila yamwaza. Kaha nawa nguli navishinganyeka vyamwaza navilinga vyamwaza. Ngocho ngwapwa nguwakuwahilila mukuyoya chami.”

Gnitko ambile ngwenyi: “Kulinangula Mbimbiliya chinangukafwe ngutachikize ovyo tweji kuyoyelanga nakupwa wakuwahilila mukuyoya.”

Andrew ambile ngwenyi: “Chiyoyelo chami chinapu jino chamwaza chikuma. Ngweji kuzatanga jino jola jajindende nakupwanga nalwola lwaluvulu lwakushikama natanga yami.”

Kuli nawa vyakutalilaho vyeka vyamwaza vize vyasolola omu Mbimbiliya yili nakukafwa vatu. Vatu vavavulu muno mukaye vanawane nge, Mbimbiliya yikwechi jindongi jize jeji kukafwanga vatu mukuyoya chavo chahakumbi hakumbi.

Tushimutwilenu omu Mbimbiliya yinakafwe vatu vavavulu . . .

• Vapwenga vakulikangula kumujimba

• Vapwenga navishinganyeka vyamwaza

• Vapwenga natanga yakuwahilila namasepa vamwenemwene

• Vatachikize mwakuzachishila kanawa jimbongo

• Vahake mangana kuvyuma vyakushipilitu

Vihande vinakavangizaho navihana unjiho wakusolola ovyo Mbimbiliya yapwila himukanda wajila, kaha nawa mukanda uze unahase kutunganyalisa mujijila jakulisezaseza.