MAFUCHI NAVATU
Kuya kuLifuchi lyaKyrgyzstan
LIFUCHI lyaKyrgyzstan lyatwama najipili jize jeji kupwanga nameya akale mwomwo yachishika. Lifuchi kana lyatwama muCentral Asia, kaha lyalipula ngiza nalifuchi lyaKazakhstan, naUzbekistan, naTajikistan, naChina. Lifuchi kana lyatwama najipili chikuma. MuKyrgyzstan mukiko mwatwama pili yayisuku yaTian Shan yize yasuhwa najimita 7,439. Musenge watwamamo wapwa waundende chikuma. Mulifuchi lyaKyrgyzstan mukiko mwatwama chikuma mihako yawalnut kuhambakana mafuchi eka.
Vinjiho jaYehova vali nakunangula vatu vavavulu Mbimbiliya muKyrgyzstan
Vatu vamuKyrgyzstan vapwa vakalemesa kaha nawa vatwama nazumbu. Mulifuchi kana vatu vavavulu veji kuzachisanga lizu “enu” nge vanakusaka kuhanjika namukulwane, chipwe kumusela chitwamo nge vali muminyau, chipwe kumuhana chitwamo chamwaza kumesa.
Vatu kana vavula kusema vana vatatu chipwe kuhambakanyisaho. Kaha mwanavo walunga wamuchinyikila numba tuhu nambate lyehi pwevo, ikiye eji kutwalangaho lika kutwama navisemi jenyi mangana avazakame muushinakaji wavo.
Vana vamapwevo veji kuputukanga kuvanangula milimo yahakanda shimbu vachili vavandende. Kahomu veji kuhetanga myaka kafwe 15 vanahase kutachikiza kanawa mwakulamina jikanda javo. Pwevo uze anakutonda kusomboka eji kutwalanga vikumba vyakufwana nge mapayi, navyakuvwala, navyuma vyeka vyakutongatonga vyakwala muzuvo. Kaha lunga eji kufwetanga matemo hakuhana jimbongo navimuna.
Nge kuli chilika chipwe chipeji, veji kujihanga mukoko chipwe kavalu. Kaha veji kuhananga vihanda vyanyama kuli vaze vaneza kuchilika kana, vihanda vimwe veji kuvihananga kweseka namyaka ali nayo mutu chipwe chihela atwama nacho. Vamona kalemesa kupwa kakalemu chikuma muchisemwa chavo. Kufumaho, veji kuhananga vatu vyakulya vavuluka ngwavo, beshbarmak, vize veji kulyanga namavoko.
Komuz chapwa chinoma chize veji kwimbisanga chikuma myaso mulifuchi kana
Pamo Nauzanga Nawa
TONENU
Kuya kulifuchi lyaNew Zealand
Numba tuhu lifuchi lyaNew Zealand lyatwama kwauka walyo, oloze mwaka himwaka vatu vakuheta kujimiliyoni jitatu veji kuyanga nakutala lifuchi kana. Chuma muka cheji kulingisanga vatu vayenga kulifuchi kana?
TONENU
Kuya kuLifuchi lyaKazakhstan
Mumyaka yinahichimo kunyima, vatu vamulifuchi lyaKazakhstan vapwilenga vaka-kunungwojoka kaha nawa vatwaminenga mujizuvo vavuluka ngwavo yurts. Uno chiyoyelo chavo makumbi ano chasolola ngachilihi visemwa vapwilenga navyo vakakuluka javo?
TONENU
Kuya kuLifuchi lyaSpain
Mulifuchi lyaSpain mwatwama vyuma vyakulisezaseza navatu vakulisezaseza. MuSpain mwatwama vyakulya vyavivulu kuhambakana kala lifuchi muno mukaye.
TONENU
Kuya kuLifuchi lyaLiechtenstein
Vyuma muka vyeji kulingisanga vatu vakumafuchi eka vayenga kulifuchi kana?
TONENU
Kuya kuLifuchi lyaUzbekista
Linangulenu vyavivulu vyalifuchi lyaUzbekistan nomu vaputukile kuzachisa vasona valilimi lyaUzbek.
TONENU
Kuya kulifuchi lyaNicaragua
Chijiva kana chikiko kaha chatwama nameya akuzeneka mungwa, muchijiva kana mwatwama vapungu, naveka vakusongoloka mivumbo navaishi vavanene vavuluka ngwavo vashark.
