CHIHANDE CHACHINENE
Mwakupwila naTato Yamwaza
-
AUSTIN eji kupwanga mutulo omu loloji yenyi yeji kuvumanga nachimene. Oloze eji kuhindukanga hahaze vene nakuvwala uvwalo wenyi wakulahisa uze eji kuhakanga hatoma shimbu kanda asavale. Kufumaho himwaya nakulaha. Nalinginga ngocho katatu muchalumingo mumwaka wamuundu.
-
Laurie azunganga nalunga lyenyi. Ngocho hakupwa namatoto, mwengila muchisambwe nakulya jimbisiketi jajivulu jize japwanga mungonga ngana muze eji kulinganga makumbi osena nge napihilila.
Vyuma muka vinakulingisa vaAustin naLaurie valinge vyuma kana? Numba nge veji kutachikizanga chipwe chiku, oloze kuli vyuma vimwe vinakuvalingisa vapwenga natato kana.
Nyi ngachilihi yenu? Kutala kuliko vyuma vimwe vyamwaza vize muli nakusaka kulinga mukuyoya chenu tahi? Pamo mwafwila kulinyukanyuka kumujimba lwola lwosena chipwe kusavala washi chipwe kushimutwila navatu vaze mwazanga.
Pamo muli nakufwila kulitwamina tato yayipi yakufwana nge kunwa makanya, nakulya vyakulya vize vinahase kuminehela ukalu chipwe kuzachisa lwola lwaluvulu haInternet.
Chikupu vene, chinahase kupwa chachikalu chikuma kwecha tato yayipi. Tato yayipi yinafwane nge, kulifwika lipayi lyakuhima halwola lwachishika. Chapwa chachashi kwingila mulipayi kana oloze chachikalu kulifukununalyo.
Jino munahase kuhonesa ngachilihi tato yayipi nakupwa navilinga vyamwaza? Tushimutwilenu havishina vitatu vanavuluka vize vyapendamina hajindongi jamuMbimbiliya.
Pamo Nauzanga Nawa
TONENU
Uno Muli Nakuzachisa Makina Amakumbi Ano Mujila Yamwaza Tahi?
Kumbululenu vihula vino viwana mangana mulikekese enu vavene.
