TONENU No. 4 2017 | Uno Mweji Kulivulishilanga Vyakulinga Tahi?
Makumbi ano, vatu vavavulu vali nakulivulishilanga chikuma vyakulinga, kaha shimbu jimwe ukalu kana unakulingisa namalo avatu najitanga vipwenga muukalu.
Uno tunahase kuzachisa ngachilihi lwola lwetu mujila yamwaza?
Lunga wamangana asonekele ngwenyi: “Kunokako chindende chinawahe kuhambakana kukilikita chikuma nakuhangasana peho.”—Muka-kwambulula 4:6.
Mangazini yino yaTonenu! yinashimutwila hajijila jize najitukafwa tusakule kanawa vyuma vyavilemu mukuyoya chetu.
CHIHANDE CHACHINENE
Uno Mweji Kulivulishilanga Vyakulinga Tahi?
Vatu vavavulu veji kuchiwananga kupwa chachikalu kuwana lwola lwakuzata milimo yavo namilimo yeka yahembo. Vyuma muka vinakuneha ukalu kana? Vyuma muka twatela kulinga mangana tukeheseko ukalu kana?
Kajila Wakulipwila Vavuluka Ngwavo Arctic Tern
Kunyima vatu vashinganyekelenga ngwavo kajila vavuluka ngwavo arctic tern eji kutukanga tunda yajikilomita 35,200 mwaka himwaka kufuma kungalila yaArctic nakuya kuAntarctica. Echi hichihanda chimwe chamujimbu wayou kajila wakulipwila.
‘Lijina Lyamwaza Linawahe Kuhambakana Luheto Lwaluvulu’
Chapwa chamwaza kupwa nalijina lyamwaza nakukuvumbika kuli vakwenu. Mujila muka?
VYUMA NAVIKAFWA TANGA
Nge Vana Vanafumu Hembo
Kakavulu vaka-kulimbata veji kumonanga ukalu waunene nge vana vavo vanakolo nakufuma hembo. Vyuma muka vatela kulinga visemi numba vahone kwivwa nge vanajimbala?
KWIHWOJOLA
Ndotolo Alinangula vyaWongo Mwalumbununa Lufwelelo Lwenyi
Mutu alinangula chikuma walijina lyaRajesh Kalaria mwahanjika milimo yenyi navyuma afwelela. Vyuma muka vyamulingishile afwile kulinangula sayasi? Vyuma muka vyamulingishile aputukile kushinganyeka okwo kwafuma kuyoya?
OMU YAHANJIKA MBIMBILIYA
Vyeseko
Kwechelela vyeseko vitufungulule chinahase kuneha ukalu wauvulu, wakufwana nge kujiha malo, namisongo, nakuyanjisa chivezu. Tunahase kulihenda ngachilihi kumuheto kanou?
UNO VALINGILE VYAKUTENGA TAHI?
Ulombo Ulauluka Chikuma Wamuhako Vavuluka Ngwavo Pollia Berry
Muhako kana kawatwama naulombo ulaulukako, oloze wapwa ulauluka chikuma. Uno chuma muka cheji kulingisanga muhako kana upwenga ulauluka?
More Online Features
Uno Mbimbiliya Yinahase Kungukafwa Ngupwenga naTanga Yakuwahilila Tahi?
Jindongi jamuMbimbiliya jinakafwe vatu vavavulu vapwenga najitanga jakuwahilila.
