Mukanda wakwamba ngwavo Nature’s Building Blocks wamba ngwawo, “kakweshi peho yeka yapwa yayilemu chikuma kukuyoya kuhambakana peho yacarbonko.” Peho kaneyi yikwechi vyuma vyavivulu vize vyayilingisa yipwenga yakulipwila nakuyilingisa yilifutakane najipeho jikwavo, nakutunga vyuma vyeka vyavivulu vize vali nakuwananga vaka-kuhehwojola.

Nganomu vanasolola hano, jiatomu jacarbon jinahase kulifutula nakutunga vyuma navisoloka nge lilenge, tuzeya, namapepa navyuma vyeka vyakufwana ngana. Chikupu vene peho yaCarbon yapwa yakulipwila chikuma.

NDAYAMONDE

Jiatomu jaCarbon jeji kutunganga jipyramid, vavuluka ngwavo tetrahedrons, yize yeji kulingisanga ndayamonde yipwenga yakukola nakunjinjila chikuma. Ndayamonde yakukola yatwama namolecule yacarbon yimwe kaha.

GRAPHITE

Jiatomu jacarbon jize jinalifutula lyehi vajitanjika mumikana yakusendeveka jize jinahase kusenunuka hajikwavo ngana mwamapapilo vanalumbika hamwe. Echi chalingisa graphite yipwenga nge maji akuzachisa kuvikungo vyakulisezaseza kuchina kukwakuka nakuyizachisa kukutunga jisonekeso jamakala. *

GRAPHENE

Yatalisa kuchihanda chimwe chajiatomu jacarbon chize chasoloka nge lyoji. Graphene yapwa yakukola chikuma kuhambakana nachikungo. Muchima wasonekeso yamakala unahase kupwa nagraphene yimwe chipwe jajivulu.

 FULLERENES

Fullerenes apwa mamolecules acarbon aze asoloka nge jingunja jili kutumiyengo vavuluka ngwavo nanotubes. Veji kuwapimanga navyuma vavuluka ngwavo nanometers.

VYUMA VYAKUYOYA

Maselusi amavulu aze atunga mitondo, natunyama, navatu vawatunga kupendamina hacarbon yize yatwama mumaji, namuvyakulya vyakuhana ngolo, navyakukolesa mujimba.