MULIVE kaweshi kusoloka kanawako hakuwesekesa kumushitale wakuLevanone. Chipwe ngocho, mulive weji kuzamanga namujingonde jajipi. Milive yimwe yeji kutwamanga myaka yakuhambakana 1,000. Miji yamilive yeji kukafwanga mutondo kana numba tuhu chishina chawo chinafu. Nge miji yichili yape, kaha ou mutondo weji kuchivikilanga cheka.

Kakuluka Yopa enjikijile ngwenyi numba nge mwafwa, mwakayoya cheka. (Yopa 14:13-15) Azachishile chifwanyisa chamutondo, pamo mutondo wamulive, hakusolola lufwelelo lwenyi muli Kalunga uze akwechi uhashi wakumusangula. Yopa ambile ngwenyi: “Namutondo ukwechi lutalililo. Nge vanautete, weji kuchivikilanga cheka.” Kachi nge vula nayinoka hanyima yachanga, mulive uze wafwanga unahase kuchivikila cheka hamiji yawo nakusokolokela “mitango ngana mwamutondo wauhya.” —Yopa 14:7-9.

Ngana muze njimi eji kufwilanga kumona miji yamulive vatetanga nayichivikila cheka, naYehova Kalunga afwila kukasangula vangamba jenyi navatu veka vaze vafwa. (Mateu 22:31, 32; Yowa. 5:28, 29; Vili. 24:15) Ocho kuwaha kana natukevwa hakusambilila vafu nakuvamona navalivwisa kuwaha kuyoya cheka!