Vihula VyamuMbimbiliya Vakumbulula
Mwomwo ika twatela kwanuka kufwa chaYesu?
Uno kufwa chaYesu nachikaneha vyuma muka kulutwe?—Isaya 25:8; 33:24
Kufwa chaYesu chapwa chachilemu chikuma mukuyoya chavatu, mwomwo chalingisa vatu vakayoye kanawa ngana muze chapwile hakavanga. Mutu kavamutengele namuchima wakufwila kulinganga vyuma vyavipi, nakuviza nakufwako. (Kuputuka 1:31) Oloze shili yengilile mukaye kuhichila muli mutu umwe, Alama. Ngocho, Yesu atufwililile mangana atusokole kushili nakukufwa.—Tangenu Mateu 20:28; Wavaka-Loma 6:23.
Kalunga asolwele zangi yakulipwila hakututumina mwanenyi hano hamavu mangana atufwile. (WaYowano 1, 4:9, 10) Yesu alwezele vaka-kumukavangiza vanukenga kufwa chenyi kuzachisa mbolo navinyo. Kaha kulinga chilika kana mwaka himwaka nachisolola nge twasakwilila Kalunga naYesu hazangi vatusolwelele.—Tangenu Luka 22:19, 20.
IYA ATELA KULYA MBOLO NAKUNWA VINYO HACHILIKA KANA?
Halwola lwakulivanga luze Yesu alwezele tumbaji twenyi vanukenga kufwa chenyi, ahanjikile vyalushiko chipwe ngwetu chivwasano. (Mateu 26:26-28) Elu lushiko lwalingishile tumbaji twenyi navatu veka vavandende vakapwe vamyangana navapilishitu hamwe naikiye mwilu. Numba tuhu vatu vavavulu veji kwanukanga kufwa chaYesu, oloze vaze ashika lushiko kana vakiko kaha vatela kulya mbolo nakunwa vinyo kana.—Tangenu Kusoloka 5:10.
Hamyaka kafwe 2,000 yinahichimo, Yehova nasakulanga vaze navakapwa vamyangana. (Luka 12:32) Vatu kana vapwa vavandende hakuvesekesa kuli vaze navakayoyela hano hamavu haya myaka yosena.—Tangenu Kusoloka 7:4, 9, 17.
Pamo Nauzanga Nawa
VYAYETU
Chilika chaKwanuka Kufwa chaYesu
Mwaka himwaka, vatu vavavulu veji kupwanga kuchilika chakwanuka kufwa chamwata. Shikaho tuli nakumisanyika mukapweko mangana mukevwilile omu kufwa chaYesu chinahase kuminganyalisa.
KUKUMBULULA VIHULA VYAKUPANDAMA KUMBIMBILIYA
Mwomwo Ika Yesu Afwililile?
Vatu vavavulu vatachikiza kunangula chakwamba ngwavo, Yesu afwile mangana tukayoye. Uno kufwa chenyi chatunganyalisa ngachilihi?
KAPOSHI KAKUTALILA
Mwomwo Ika Twatela Kwanukila Kufwa chaYesu?
Vatu vavavulu veji kulinganga chilika chakusemuka chaYesu haKulisimasi nakusanguka chenyi haIshita. Kaha mwomwo ika Vinjiho jaYehova veji kwanukilanga kufwa chaYesu
VIHULA VEJI KWIHULANGA KUSWAKUMWE
Mwomwo Ika Vinjiho jaYehova Veji Kulingilanga Chilika chaKulya chaMwata chaChingoloshi Mujila Yakulihandununa naMauka Eka Akwitava?
Kulya chaMwata Chamakumishilo chipwe ngwetu Kwanuka Kufwa chaKulishitu chapwa chilika chachilemu chize veji kulinganga Vinjiho jaYehova. Tangenu muwane vyuma yahanjika Mbimbiliya hachilika kana.
