CHIHANDE CHACHINENE | VINJIHO JAYEHOVA VAPWA VEYA?
Vyuma Muka Vafwelela Vinjiho jaYehova?
Vinjiho jaYehova vafwelela ngwavo “Visoneka vyosena vavihwima kuli Kalunga kaha vinawahila kunangula.” (WaChimoteu 2, 3:16) Tweji kuzachisanga Mbimbiliya tulinangule vyaTengi namwakuyoyela kanawa.
Mbimbiliya yamba ngwayo: “Vatu vatachikize ngwavo, ove ukwechi lijina lyove yove Yehova, yove kaha uka wove wapwa uWakulitulaho Chikuma hamavu hosena.” (Samu 83:18) Ngocho tweji kulemesanga kaha Yehova Kalunga nakufwila kukafwa vatu vatachikize lijina lyenyi.—Isaya 43:10-12.
Hakupwa tuvaka-Kulishitu, twafwelela ngwetu Yesu uze apwa “MwanaKalunga,” * ejile hano hamavu nakupwa Meshiya. (Yowano 1:34, 41; 4:25, 26) Omu afwile vamusangwile nakuya mwilu. (Wavaka-Kolinde 1, 15:3, 4) Kutwala muze, vamutongwele kupwa Mwangana waWangana waKalunga. (Kusoloka 11:15) Ou Wangana wapwa Fulumende yize nayikaneha Palachise hano hamavu. (Ndanyele 2:44) Mbimbiliya yamba ngwayo: “Vavavwovu navakaheta mavu, kaha navakalivwisa kuwaha kuunda chamwenemwene.”—Samu 37:11, 29.
Twamina wamukwitava chaKatolika Benjamin Cherayath ahanjikile mulipapilo lyamijimbu lyaMünsterländische Volkszeitung, lyamuGermany ngwenyi: “[Vinjiho jaYehova] vafwelela ngwavo, Kalunga eji kuhanjikanga kuli vakiko nge navatanga Mbimbiliya. Kaha nge ukalu unavawane mukuyoya chavo, veji kuhehwojolanga muMazu aKalunga mangana vawane mwakukumishila ukalu kana. . . . Vafwelela ngwavo Mazu aKalunga apwa amatonyi.”
Vinjiho jaYehova vafwelela ngwavo jindongi jamuMbimbiliya jinahase kukafwa vatu namakumbi ano. (Isaya 48:17, 18) Echi chikiko cheji kutulingisanga tufwile kukavangiza jindongi kana. Chakutalilaho, Mbimbiliya yatulweza tulihende kuvyuma vize vyeji kupihisanga vishinganyeka vyetu namijimba yetu, ngocho katweshi kunwa makanya chipwe kunwa maundu akupendesako. (Wavaka-Kolinde 2, 7:1) Tweji kulihendanga nawa kuvyuma vize vakanyisa hatoma muMbimbiliya vyakufwana nge kupenda, naujila nakwiva.—Wavaka-Kolinde 1, 6:9-11.
^ par. 5 Mbimbiliya yavuluka nawa ngwayo Yesu apwa “MwanaKalunga umwe kaha wakulipwila” mwomwo ikiye kaha vatengele kuli Yehova ivene.—Yowano 3:18; Wavaka-Kolose 1:13-15.
Pamo Nauzanga Nawa
VIHULA VEJI KWIHULANGA KUSWAKUMWE
Vyuma Muka Vafwelela Vinjiho jaYehova?
Linangule mukavatu vyuma 15 vize twafwelela.
VIHULA VEJI KWIHULANGA KUSWAKUMWE
Uno Vinjiho jaYehova Vafwelela nge Liuka Lyavo Likiko lyaMuchano Tahi?
Uno Yesu ambile ngwenyi kwatwama jijila jajivulu jakutwala kuulwilo tahi?
ESSENTIAL BIBLE TEACHINGS
Uno Kalunga Atwama naLijina Tahi?
Kalunga atwama najivulukiso jajivulu, kuhakilako naWangolo Josena, naTengi, naMwata. Oloze lijina lyaKalunga valizachisa kafwe mapapa 7,000 muMbimbiliya.
