Kutala namwamba ngwenu?

• Eyo

• Nduma

• Pamo

Vyuma yahanjika Mbimbiliya

“Ngunatachikiza ngwami Yehova mwahakwila vaka-kukalikiza, mwayulilako vaka-kuhutwa.” (Samu 140:12) Chikupu vene, Wangana waKalunga naukaneha chiyulo chakwoloka hano hamavu.

Vyuma muka vikwavo natulinangula muMbimbiliya?

• Kalunga eji kumonanga upi wosena uze uli hano hamavu, ngocho mwakaufumisaho.—Muka-kwambulula 5:8.

• Chiyulo chaKalunga chakwoloka nachikaneha kuunda namukingo hano hamavu.—Isaya 32:16-18.

Vatu vamwe vafwelela ngwavo Kalunga akisula chipwe kwangula vatu vamwe, kaha veka ngwavo Kalunga katala vatu kumesoko. Enu mwashinganyeka ngachilihi?

Vyuma yahanjika Mbimbiliya

“Kalunga katala vatu kumesoko, oloze muli vaka-miyachi yosena, ou eji kumwivwanga woma nakulinganga vyuma vyakwoloka, veji kumwitavilanga kuli Kalunga.” (Vilinga 10:34, 35) Kulumbununa nge Kalunga kamona vatu mweka namwekako.

Vyuma muka vikwavo natulinangula muMbimbiliya?

• Mbimbiliya yikwechi “mujimbu wamwaza” wakulweza “vaka-mafuchi osena, navaka-miyachi yosena, navaka-malimi osena, navatu veka naveka vosena.”—Kusoloka 14:6.