1. Kwatwama mukanda uze waneha

Lufwelelo hamwe nakuunda.

Mazu awo nawa akwechi ngolo,

Eji kukafwa vatu vosena.

Mukanda kana wapwa Mbimbiliya,

Vausonekele kushikulu

Kuli vatu vazangile Yehova,

Vahwiminyine nashipilitu.

2. Vasonekele havyuma atenga

Kalunga ketu mungolo jenyi,

Nomu mutu wakukupuka mwose

Enyekele Palachise yenyi.

Vasonekamo nawa vyakangelo

Uze afumbukilile Setu.

Kaha chanehele shili kuvatu,

Oloze Tengi mwafungulula.

 3. Tuli mulwola lwakuwahilila,

Mwangana Yesu anakuyula.

Ngocho natuvilikanga Wangana

Navyuma vize naukaneha.

Mumukandou mwatwama vyamwaza,

Kaha tuvitangenunga lika.

Weji kuneha kuunda chikuma,

Tutangenunga ou Mukanda.