Tweji kuzachisanga mbuloshuwa yaVeya Vali Nakulinga Mwaya Muchima waYehova Makumbi Ano?, hakunangula vilongesa vyetu kumaputukilo chipwe kumakumishilo hakulinangula. * Chilongesa 1 nakuheta ku 4 vyeji kukafwanga vilongesa vyetu vatachikize kanawa Vinjiho jaYehova, kaha chilongesa 5 nakuheta ku 14 vyeji kuvakafwa vatachikize kanawa milimo yetu. Chilongesa 15 nakuheta ku 28 vyeji kuvakafwa vatachikize kanawa omu lyazata liuka lyetu. Nachipwa chamwaza kulinangula chilongesa hichilongesa kweseka nomu vinalikavasanyina, kuvanga kaha nge kuli chilongesa chize chinakusakiwa kuchishimutwila hahaze vene. Munahase kushimutwila chilongesa hichilongesa muminyitu 5 chipwe 10 mwomwo vilongesa vilimo vyavihi.

• Vulukenu mutwe wachilongesa vanasoneka muchihula

• Tangilenu hamwe chilongesa chosena chipwe chihanda hichihanda

• Shimutwilenu havyuma namutanga. Zachisenunga vihula vili mwishi yachilongesa namivwimbimbi. Tangenu nakushimutwila havisoneka vanenyikilako nge chinatemo kulinga ngocho. Lumbununenu ngwenu tumitwe twavihande tunakumbulula mutwe wachihande.

• Nge muchilongesa muli lipwata lyakwamba ngwavo “Linangulenu Vyavivulu,” kaha tangilenu hamwe nachilongesa chenu nakumukolezeza akavangize vyuma kana