“Tonenunga”
Numba tuhu chifwanyisa chavajike vamapwevo 10 chize ahanjikile Yesu chatalishile kuli vaka-Kulishitu vawavisa, oloze chakwata nahali vaka-Kulishitu vosena. (w15 3/15 12-16) “Shikaho tonenunga, mwomwo kamwatachikijile likumbi chipwe olako.” (Mat 25:13) Kutala munahase kulumbununa echi chifwanyisa ahanjikile Yesu tahi?
-
Mwenyamwenga (vesi 1)—Yesu
-
Vajike vamapwevo vakuzangama (vesi 2)—Vapwa vaka-Kulishitu vawavisa vaze veji kuzatanga nakashishi mulimo wavo, nakumunyika nge manongo palanga nakukukuma chakaye (Fwi 2:15)
-
Mutambi wakwamba ngwavo: “Mwenyamwenga uno!” (vesi 6)—Chinjikizo chakupwako chaYesu
-
Vajike vamapwevo vakuhulama (vesi 8)—Vapwa vaka-Kulishitu vawavisa vaze veji kuyanga nakusesa mwenyamwenga, oloze kavapwa vakutona kushipilitu nakulama kulonga chavoko
-
Vajike vamapwevo vakuzangama navakana kuhanako vakwavo maji (vesi 9)—Hanyima yakulamika tutachikijilo twamakumishilo, vaka-Kulishitu vawavisa vakushishika kaveshi kukakafwa kala mutu wakuhona kushishikako
-
“Mwenyamwenga ahetele” (vesi 10)—Yesu mwakeza nakusopesa vatu shimbu kanda luyando lwalunene lukume
-
Vajike vamapwevo vakuzangama, vengilile nenyi hamwe muze mwapwile chifupawenga, kaha chikolo vachisokele (vesi 10)—Yesu mwakungulula vaka-Kulishitu vawavisa vakushishika nakuvatwala mwilu, oloze vaze vakuhona kushishika mwakavanongesa