OVYO CHAPWILA CHACHILEMU: Omu tweji kuyanga kukukunguluka tweji ‘kwimbilanga Yehova’ ‘nakumwalisa’ (Ji 149:1) Veji kutunangulanga nawa kulinga mwaya muchima waKalunga. (Ji 143:10) Vatu vakuwahilila navilongesa vyetu vyaMbimbiliya veji kuzovolokanga washi nge vanaputuka kukunguluka.

MWAKULINGILA NGOCHO:

• Mwatela kuvalanya washi. Kamwatela kuvandamina muvangile kutunga chilongesako.—Kus 22:17

• Lumbunwinenu mutu wakuwahilila vyuma vyeji kusolokanga hazuvo yaWangana navihande vyachalumingo nachikavangizaho. Munahase kuvalanya kuzachisa vinoma vyakufwana nge: kalipapilo kakulanya vatu kukukunguluka, navindiyo yakwamba ngwavo Vyuma Muka Vyeji Kusolokanga haZuvo yaWangana?, naMbuloshuwa yaMwaya Muchima waYehova hachilongesa 5 na 7

• Vakafwenu. Uno mutu wakuwahilila anakusakiwa kumukafwa mwakutambukila chipwe kusakula uvwalo wakutamo tahi? Mwatela kutwama nenyi, mangana muzachishile hamwe mikanda yenu. Mujimbulenu kuli vandumbwetu