Nge kanyike ikiye tunawane kuzuvo, kaha twatela kumuhulisa tuhanjike navisemi jenyi. Echi cheji kusololanga nge twavumbika visemi jenyi. (Vis 6:20) Nge mwatulweza twingile muzuvo, kaha twatela kukana mujila yakuzangama. Nge visemi jenyi vauchiho kaha twatela kukakindulukilako lwola lukwavo.

Kachi nge namuwana kanyike uze nahuhumuka, nachipwa chamwaza kuhulisa visemi jenyi. Nge visemi jenyi vauchiho, kaha twatela kumulweza akavahulise vakamusakwile chihande chize atela kukatanga. Nge vanetavila kulinga ngocho, kaha tunahase kukamuhana mukanda nakumulweza ayenga hakeyala yetu ya jw.org.

Hakukindulukila kukanyike wakuwahilila, twatela kulomba lisesa kuli visemi jenyi. Echi nachitukafwa tuvalumbunwine ovyo tunejila, nakuvalweza jishimbi jamuMbimbiliya jize najikafwa jitanga. (Ji 119:86, 138) Kusolwela kalemesa visemi mujila yangana cheji kuhananga unjiho nakutulingisa tukakindulukileko nakukavambulila mujimbu wamwaza uze naukafwa tanga yavo.—1Pe 2:12.