Jila yimwe yize visemi vanahase kukafwilamo vana vavo vapwenga namangana akufuma kuli Kalunga shina kuvakafwa vanganyalenga kukukunguluka. Vyuma veji kumonanga vanyike, nakwivwa, nakumbulula hakukunguluka vinahase kuvakafwa valinangule hali Yehova nakutunga usepa wakukola naikiye. (Lus 31:​12, 13) Nge mwapwa muvisemi, kaha munahase kukafwa mwanenu anganyale chikuma kukukunguluka hakulinga vyuma vino:

• Zatenu nangolo muyenganga navana venu kukukunguluka.—Ji 22:22

• Wanenungako lwola lwakushimutwila navandumbwetu shimbu kanda kukunguluka, nahanyima yakukunguluka.—Hep 10:25

• Mwatela kumona ngwenu vana venu vali namikanda muli nakuzachisa kuZuvo yaWangana, yakupulita chipwe yahalikina

• Kafwenu vana venu vawahisenga vyakukunguluka mangana vakazanemo kuzachisa mazu avo.—Mat 21:​15, 16

• Hanjikenunga vyuma vyamwaza kutalisa kukukunguluka nakujindongi tweji kulinangulanga

• Kafwenu vana venu vazanenga mumilimo yakufwana nge kuwahisa haZuvo yaWangana nakushimutwila navandumbwetu vatushinakaji muchikungulwilo

Chasakiwa kuzata nangolo numba mukafwe vana venu vapandame chikuma kuli Yehova, kaha nawa shimbu jimwe chinahase kumikaluhwila. Chipwe ngocho, fwelelenu ngwenu Yehova mwamikafwa.—Isa 40:29.

TALENU VINDIYO YAKWAMBA NGWAVO, ENU VISEMI, PENDAMINENUNGA HALI YEHOVA AMIKAFWE NAKUMIHANA NGOLO, KUFUMAHO KUMBULULENU VIHULA VINAKAVANGIZAHO:

• Uno kuzeya chanehele ukalu muka kuli Zack napuwenyi Leah?

  Kumbululenu

• Mwomwo ika visemi vatela kupendamina hali Yehova avahane ngolo?

  Kumbululenu

• Vyuma muka alingile Zack napuwenyi Leah vize vyasolola nge vapendaminyine hali Yehova avakafwe?

  Kumbululenu