CHIHULA 2
Unahase Kulinangula Ngachilihi vyaKalunga?
“Ou mukanda waJishimbi kanda ukafuma mukanwa koveko. Utangenga mazu awo nakuwashinganyekanga musana naufuku mangana ulamenga jishimbi josena vasonekamo. Kachi nge naulinganga ngocho, kaha naufukisanga jila yove nakulinganga mwakwoloka.”
“Vatangilenga uze mukanda waJishimbi jaKalunga wamuchano nalizu lyakutambakana, vajilumbunwinenga kanawa nakushindakanya omu jatalikisa. Ngocho vakafwile vatu mangana vyuma vavatangililile vivalumbunukile.”
“Awahilila mutu uze keshi kukavangiza vyuma navahanjika vaka-kuhukako . . . , oloze evwila kuwaha jishimbi jaYehova, kaha eji kutanganga jishimbi jenyi nakujishinganyekanga musana naufuku. . . . Vyosena mwalinganga navifukilanga.”
“Fwilipu alahilile kusali yalitemba, kaha apwile nakumwivwa ali nakutangila helu mukanda wakapolofweto Isaya. Jino ambile ngwenyi: ‘Uno vyuma uli nakutanga unavitachikiza tahi?’ Ikiye ambile ngwenyi: ‘Uno nanguhasa ngachilihi kuvitachikiza chakuzeneka mutu wakungulumbunwinavyo?’”
“Mwomwo vilinga vyenyi evi vahona kumona, nangolo jenyi jahaya myaka yosena nauKalunga wenyi, vyasoloka hatoma kufuma vene kukutenga chakaye nakuya kulutwe, mwomwo vavimwena kuvyuma atenga, mangana vakazeneke kuwana mwakulipatungwila.”
“Hunanana havyuma evi, lihane kuvikiko mangana kuzovoloka chove vachimone kuli vatu vosena.”
“Tulihakenunga michima navakwetu mangana tulikolezeze tusolole zangi navilinga vyamwenemwene. Kaha kanda natusuvilila kulikungulwila hamweko.”
“Kachi nge mutu umwe hali enu nahono mangana, alombenga lika Kalunga, mwomwo eji kuhananga vosena namuchima umwe chakuzeneka kutoleka, kaha mwamuhanawo.”
