“Lifuchi limwe nalikafumbukila lifuchi likwavo, kaha wangana umwe naukafumbukila wangana ukwavo . . . Vyosena evi navikapwa kuputuka chaluyando.”

Mateu 24:7, 8

“Vapolofweto vamakuli vavavulu navakeza, kaha navakahungumwisa vatu vavavulu. Zangi yavatu vavavulu nayikahola mwomwo yakuvula chaupapwoki.”

Mateu 24:11, 12

“Omu namukevwa jijita namijimbu yajijita, kanda namukalizuzukila nawomako. Vyumevi vyatela kusoloka, oloze kukuma chichili kanda.”

Mako 13:7

“Nakukapwa mindenda yayinene, kaha kuvihela kweka nakweka nakukapwa zala namisongo yachihita. Nakukapwa nawa vyuma vyakwivwisa vatu woma navinjikizo vyavinene vyakufuma mwilu.”

Luka 21:11

 “Hamakumbi akukuminyina nahakapwa lwola lwalukalu. Mwomwo vatu navakapwa vaka-kulizanga vavene, vaka-kuzanga jimbongo, vaka-kulitukwojola, vaka-kulitohwesa, vaka-kusaula, vaka-kulikanga kuli visemi, vaka-kuhona kusakwilila, vaka-kuhona kushishika, vaze kavazanga vakwavoko, vaze kaveshi kwitavila vivwasano, vaka-kuvangila vakwavo, vaka-kuhona muchima wakulikanyisa vavene, vaka-ukenya, vaze kavazanga vyuma vyamwazako, vaka-kusolola vakwavo, vaka-kunjinjavala, vaka-kulivwimba, vaka-kuzanga viseke muchishishisa chakuzanga Kalunga, vaka-kulisolola nge vakwechi vilinga vyakumwivwa Kalunga woma, olozenyi kaveshi kwitavila ngolo jachoko.”

WaChimoteu 2, 3:1-5