CHIHULA 5
Mujimbu Muka Watwama muMbimbiliya?
“Nanguhaka kole mukachi kove napwevo, namukachi kamuka-tanga yove namuka-tanga yenyi. Ikiye mwakachika mutwe wove, kahove naukatota kukakukunya kenyi.”
“Vaka-mafuchi ahamavu vosena navakavakisula kuhichila muli muka-tanga yove, mwomwo unevwilila mulizu lyami.”
“Wangana wove wizenga. Mwaya muchima wove mulingiwe mwilu, nahamavu nawa.”
“Kalunga uze eji kuhananga kuunda kalinwomu achikile Satana mwishi yavilyachilo vyenu.”
“Kahomu navikalinga vyuma vyosena hivanaviluula lyehi kuli ikiye, kaha naivene Mwana nawa mwakaliluula kuli Ou aluwile vyuma vyosena kuli ikiye, mangana Kalunga apwenga vyuma vyosena kuli vosena.”
“Jino jishiko vajishikile Apalahama nakuli muka-tanga yenyi . . . , ikiye Kulishitu. Kaha nawa, kachi nge munapu vakuli Kulishitu, kaha munapu chikupu vaka-tanga yaApalahama.”
“Wangana wakaye unapu jino Wangana waMwata wetu naKulishitu yenyi, kaha mwapwanga mwangana nakuyula haya myaka namyaka.”
“Ngocho uze chazangombe wamunene vamumbilile hamavu, uze linoka wakushikulu, uze vavuluka ngwavo Liyavolo kaha nawa Satana, uze ali nakuhungumwisa vatu vosena hamavu. Vamumbilile hamavu, navangelo jenyi nawa vavambilile naikiye hamwe.”
“Akwachile uze chazangombe, uze linoka wakushikulu, ikiye Liyavolo kaha nawa Satana, ngocho amukashile hamyaka 1,000.”
