Amose 1:1-15
1 Awa himazu aAmose* uze apwile muka-kupita mikoko wakuTekowa,+ aze vamulwezele muchakumwenesa mumakumbi aUjiya+ mwangana wavaYuta, namumakumbi aYelovowame+ mwanaYowashe+ mwangana wavaIsalele. Mazu kana apwile akutalisa kuli vaIsalele, kaha vamulwezelewo myaka yivali kunyima shimbu kanda mundenda+ usoloke.
2 Ambile ngwenyi:“Yehova mwakatahwoka muZeyone,Mwakahanjika nalizu lyakukanguka muYelusalema.Maulilo aze veji kulishilanga tufunga vimuna javo nawakalishona.Chihela chakulunduka chaKalamele nachikoma chau.”+
3 “Yehova nambe ngwenyi,‘“Hakuwana nge Ndamashiku nalikangenga mapapa kakavulu,* ngocho kangweshi kwalumuna vyuma ngunajinyi kulingako,Mwomwo vazungwile Ngileyate navileyi vyafwelu vyakuzungwisa.+
4 Ngocho nangukatuma kakahya hazuvo yaHazayele,+Kaha nakakocha tuposhi vakukola vaMbene-hatate.+
5 Nangukahokola tupachiso twakuNdamashiku.+Nangukanongesa vatu vamuMbikate-avene,Nayou ali nakuyula* muMbete-etene.Vatu vamuSulya navakaya muufunge kuKile.”+ Omu mukiko mwanambe Yehova.’
6 Yehova nambe ngwenyi,‘“Hakuwana nge Ngaza+ nalikangenga mapapa kakavulu,* ngocho kangweshi kwalumuna vyuma ngunajinyi kulingako,Mwomwo vambachile lizavu lyavafunge lyosena+ nakulihana mumavoko avaEtome.
7 Ngocho nangukatuma kakahya hakembwe yaNgaza,+Kaha nakakocha tuposhi twayo vakukola.
8 Nangukanongesa vatu vamuAshatote,+Nayou ali nakuyula* muAshakelone.+Nangukazangamisa Ekelone,+Kaha vaFwilishite vaze navakasalaho navakanonga.”+ Omu mukiko mwanambe Mwata Wakulitulaho Yehova.’
9 Yehova nambe ngwenyi,‘Hakuwana nge Tule+ nalikangenga mapapa kakavulu,* ngocho kangweshi kwalumuna vyuma ngunajinyi kulingako,Mwomwo vambachile lizavu lyavafunge lyosena nakulihana mumavoko avaEtome,Kavanukile nawa chivwasano valikashile navandumbwavoko.+
10 Ngocho nangukatuma kakahya hakembwe yaTule,Kaha nakakocha tuposhi twayo vakukola.’+
11 Yehova nambe ngwenyi,‘Hakuwana nge Etome+ nalikangenga mapapa kakavulu,* ngocho kangweshi kwalumuna vyuma ngunajinyi kulingako,Mwomwo ahangasanyine ndumbwenyi napoko yamukwale,+Kamuteteleleko.Eji kuvatanyanga lika mwomwo yautenu wenyi,Avakwachila matoto.+
12 Ngocho nangukatuma kakahya muTemane,+Kaha nakakocha tuposhi vakukola vamuMbozola.’+
13 Yehova nambe ngwenyi,‘“Hakuwana nge vaAmone+ vanalikangenga mapapa kakavulu,* ngocho kangweshi kwalumuna vyuma ngunajinyi kulingako,Mwomwo vapulilepulile tufumbakaji vakuNgileyate hamajimo mangana vatohwese ngalila yavo.+
14 Ngocho nangukatuma kakahya hakembwe yaLava,+Kaha nakakocha tuposhi twayo vakukola.Nakukapwa luvila lwajita halikumbi lyajita,Nakukahuhwa peho yanyamanganda halikumbi lyachijimbilanganga.
15 Kaha mwangana wavo mwakaya muufunge hohamwe navilolo jenyi.”+ Omu mukiko mwanambe Yehova.’
Kwinyikila Chamwishi
^ Ulumbunwiso, “Kupwa Chiteli” chipwe “Kumbata Chiteli.”
^ Hepe., “katatu chipwe kawana.”
^ Hepe., “Nayou nakwate mbwechi.”
^ Hepe., “katatu chipwe kawana.”
^ Hepe., “Nayou nakwate mbwechi.”
^ Hepe., “katatu chipwe kawana.”
^ Hepe., “katatu chipwe kawana.”
^ Hepe., “katatu chipwe kawana.”
