Amose 2:1-16
2 “Yehova nambe ngwenyi,‘“Hakuwana nge Mowave+ nalikangenga mapapa kakavulu,* ngocho kangweshi kwalumuna vyuma ngunajinyi kulingako,Mwomwo ochele vifuwa vyamwangana waEtome mangana awaneko pemba.
2 Ngocho nangukatuma kakahya muMowave,Kaha nakakocha tuposhi vakukola vamuKelyote.+Lifuchi lyaMowave nalikanonga oku vatu vali nakuneha liuya,Oku vali nakuvilika luvila lwajita nakwimba jineta.+
3 Muka-kuyula* nangukamufumisamo,Kaha nangukamujihila kumwe navilolo vamuMowave vosena.”+ Omu mukiko mwanambe Yehova.’
4 Yehova nambe ngwenyi,‘Hakuwana nge vaYuta vanalikangenga+ mapapa kakavulu,* ngocho kangweshi kwalumuna vyuma ngunajinyi kulingako,Mwomwo vakanyine jishimbi* jaYehova,Kavalamine jindongi jenyiko.+Vyuma vyamakuli vize vakavangijilenga vakakuluka javo vikiko vinavahungumwisa.+
5 Ngocho nangukatuma kakahya muYuta,Kaha nakakocha tuposhi vakukola vamuYelusalema.’+
6 Yehova nambe ngwenyi,‘Hakuwana nge vaIsalele vanalikangenga+ mapapa kakavulu,* ngocho kangweshi kwalumuna vyuma ngunajinyi kulingako,Mwomwo vali nakutambasana vaka-kwoloka napalata,Vali nakutambasana vaka-kuhutwa namendelo.+
7 Vali nakulyatangila mitwe yavaka-kukalikiza hamavu,+Vali nakujika jijila javatu vavavwovu.+Mutu naise vali nakusavala pwevo youmwe,Ngocho vali nakujilulula lijina lyami lyajila.
8 Vali nakusavala kumajiko akulumbila+ hauvwalo vatambwile kupwa vijikilo kuvyuma valevanyishile.+Kaha vinyo vize vali nakunwina kuzuvo* yatulunga twavo vyapwile vyavaze vakukishile.’
9 ‘Oloze ami yami ngwanongesele vaAmole kumeso avo,+Vaze vapwile vavasuku nge mishitale, vaze vatohwele nge mivalyu.Ngwenyekele mihako yavo namiji yavo.+
10 Ngwamilowele mulifuchi lyaEjipitu,+Kaha ngwamitambukishile mupambo hamyaka 40,+Mangana mukahete lifuchi lyavaAmole.
11 Ngwatongwele vana venu vamwe vapwenga vapolofweto,+Navakweze jenu vamwe vapwenga vaNajili.+Enu vaIsalele, omu keshi mukiko ngwalingileko nyi?’ Omu mukiko mwanambe Yehova.
12 ‘Oloze mwahanyinenga vaNajili vinyo vanwenga,+Kaha mwalwezelenga vapolofweto ngwenu: “Kanda namupolofwetako.”+
13 Ngocho nangumichikila muchihela chenuNge muze litemba lize linazale najimbuto jamanona nalichika vyuma vili mwishi yalyo.
14 Vaka-jimbushi kaveshi kukawana kwakuchinyinako,+Vaka-ngolo kaveshi kukapwa cheka nangoloko,Kaha vaka-jita kaveshi kukapululula myono yavoko.
15 Vaka-kwasa mata amanana kaveshi kukahasa kwimanako,Vaka-jimbushi kaveshi kukayovokako,Vaka-kutambukila hatuvalu navakiko kaveshi kukapululula myono yavoko.
16 Navaka-jita vakumika*Navakachina uselesele halikumbi lize.’+ Omu mukiko mwanambe Yehova.”
Kwinyikila Chamwishi
^ Hepe., “katatu chipwe kawana.”
^ Hepe., “Muka-kusopa.”
^ Hepe., “katatu chipwe kawana.”
^ Chipwe “jindongi.”
^ Hepe., “katatu chipwe kawana.”
^ Chipwe “kutembele.”
^ Chipwe “vakujikiza michima.”
