Amose 5:1-27
5 “Enu vakuzuvo yaIsalele, ivwenu mazu awa alungungu* nguli nakumimbila:
2 ‘Mwanapwevo Isalele nalimbuka.Keshi kuhasa kukatuka chekako.Vanamuseze mulifuchi lyenyi.Kakweshi umwe wakumukatulako.’
3 “Mwata Wakulitulaho Yehova nambe ngwenyi:‘Nganda yize nayiya kujita namaswalale likombakaji, nayikakinduluka namaswalale likulukaji kaha.Kaha yize nayiya kujita nalikulukaji, nayikakinduluka nalikumi kaha. Evi vikiko navisolokela vaze vakuzuvo yaIsalele.’+
4 “Yehova nahanjika kuli vaze vakuzuvo yaIsalele ngwenyi:‘Ngutondetondenu, kaha namuyoyanga lika.+
5 Kanda namufwila kuya kuMbeteleko,+Kanda namuya kuNgilingale+ chipwe kuMbele-shevako,+Mwomwo Ngilingale navayitwala muufunge,+Mbetele nawa navayinongesa.*
6 Tondetondenu Yehova, kaha namuyoyanga lika,+Mokomoko mwepukila vaze vakuzuvo yaYosefwe nge kakahya,Nakwocha Mbetele, kaha naumwe wauchi mwahasa kukajima.
7 Chiyulo chakwoloka munachalumuna kupwa mwaji,*Kwoloka nawa munachimbili hamavu.+
8 Ou atengele vinjomoto vyavatanganyika vavuluka ngwavo Kimale naKeshile,+Ou eji kwalumunanga milima yayinene kupwa chimene,Ou eji kulingisanga musana upwenga nge ufuku,+Ou eji kusanyikanga meya amukalungalwijiMangana awahingunwine hamavu,+Lijina lyenyi ikiye Yehova.
9 Mwakanongesa vaka-ngolo,Mwakanongesa vihela vyakukola.
10 Enu mwahunga vaze veji kuhanjikilanga vatu kuchikolo changanda,Mwahunga vaze veji kuhanjikanga muchano.+
11 Hakuwana nge mweji kutambulanga mutelo wawande* kuli vaka-kuhutwa,Kaha nawa mweji kutambulanga jimbuto javo kupwa mulambu,+Ngocho kamweshi kukatwamanga lika mujizuvo jamalolwa akwola munatunguko,+Chipwe kunwa vinyo vyamihako yamivinyo munatumbu mumande enu amwazako.+
12 Ngunatachikiza kulikanga chenu,*Nomu jatohwa jishili jenu,Mweji kuyanjisanga vaka-kwoloka,Mweji kutambulanga maswekeza,*Kaha kamweshi kuyulila vaka-kuhutwa mukwoloka kuvikolo vyangandako.+
13 Ngocho vaze vanangakana navakahola kulu halwola luze,Mwomwo nalukapwa lwola lwavihuli.+
14 Tondetondenu vyuma vyamwaza, keshi vyavipiko,+Mangana muyoyenga lika.+Nge namulinga ngocho, kaha Yehova wamayongomena mwapwa nayenu,Nge omu mweji kwambanga.+
15 Hungenu vyuma vyavipi nakuzanga vyuma vyamwaza,+Yulenunga mwachiyulo kuchikolo changanda,+Pamo Yehova Kalunga wamayongomenaMwevwila uselewa vaze vanasaleho vakuzuvo yaYosefwe.’+
16 “Yehova Kalunga wamayongomena, Yehova nambe ngwenyi:‘Vatu navakalila jimbimbi muvihela vyasanga vyosena,Vatu mujijila josena navakamba ngwavo, “Mama lelo, mama lelo.”Navakasanyika vanjimi vakalishone,Navakasanyika vaze vatachikiza kulila vakalile jimbimbi.’
17 Yehova nambe ngwenyi, ‘Vatu navakalila jimbimbi mumande amivinyo osena,+Mwomwo nangukahita muli enu nakumizangamisa.
18 Lamba kuli vaze vafwila likumbi lyaYehova lizenga.+Vyuma muka munashinganyeka ngwenu navikasoloka halikumbi lyaYehova?+Nakukapwa milima, keshi musanako.+
19 Nachikapwa nge mutu uze mwachina ndumba, oloze mwalihumangana naulusu,Nachikapwa nge mutu uze mwengila muzuvo yenyi nakunangika livoko hambango, oloze linoka himwamusuma.
20 Likumbi lyaYehova nalikapwa lyamilima, keshi lyamusanako.Nalikapwa lyakwilava milima wi, keshi musanako.
21 Viwanyino vyenu ngwavihunga, kangwavisakako,+Kangwevwila kuwaha lupengopengo lwavimuna vakulumba vahakukunguluka chenu chajilako.
22 Numba nge namunguhana mawana akulumba namawana eka,Kangweshi kuwevwila kuwahako.+Kangweshi kusuuluka nawana wenu wakusolola kuunda wavimuna vakununako.+
23 Kanda namungunehela vyema namyaso yenuko.Kanda nangwivwa myaso yavisaji vyenu vyamikoleko.+
24 Chiyulo chakwoloka chihite nge meya,+Kwoloka nawa chihite nge kalwiji wamuta uze keshi kumako.
25 Enu vakuzuvo yaIsalele, kutala mwangunehelelenga vimuna vakuvatula namawana ekaHamyaka yize 40 mwapwilenga mupambo numba?+
26 Shikaho namumbata mwangana wenu Sakute naKaiwane,*Awa makombelo enu, aze apwa tanganyika yakalunga kenu, aze mwalitengelele,
27 Nangukamitwala muufunge kulifuchi lyakwakusuku naNdamashiku.’+ Omu mukiko mwanambe ou ukwechi lijina lyenyi ikiye Yehova Kalunga wamayongomena.”+
Kwinyikila Chamwishi
^ Chipwe “amwaso wakulishona.”
^ Chipwe pamo, “nayipwa chuma chakutangisa.”
^ Chipwe “kupwa vyuma vyavisasu.”
^ Chipwe “mutelo wamavu.”
^ Chipwe “majika kanwa.”
^ Chipwe “milonga yenu.”
^ Ava tulunga vavali vemanyinyineko pulaneti Saturn yize yapwile kalunga uze valemeselenga.
