Amose 6:1-14
6 “Lamba kuli vatu vamuZeyone ava valifwelela vavene,*Ava vamona ngwavo vapwa vakukingiwa hapili yaSamaliya,+Vatu vavalemu vamulifuchi lyakulitulaho hamafuchi osena,Kuze veji kwizanga vaze vakuzuvo yaIsalele.
2 Yenunga kuKalane mukamone.Fumenu kuze muyenga kunganda yayinene yaHamate,+Kaha yenunga nawa kuNgata, nganda yavaFwilishite.Kutala jinganda kana jinahambakana awa mawangana* nyi?Kutala ngalila yavo yinatoho kuhambakana ngalila yenu nyi?
3 Uno munalitwamina kushinganyeka halikumbi lyalupi,+Nakuputuka jino kukundwiza vilinga vyaulyanyi nyi?+
4 Mweji kusavalanga hatuhela twenu twamazo avanjamba+ nakutandavala muvitwamo vyenu,+Mweji kulyanga vizamba jamikoko navana vavangombe vakununa.+
5 Mweji kutakanga myaso yakwimba natulyalya,*+Mweji kutunganga visaji nge Ndavichi.+
6 Mweji kunwinanga vinyo mujipasa jajinene,+Mweji kuliwavisanga namaji amwaza.Oloze kamweshi kuhaka muchima kulupi* lwaYosefweko.+
7 Ngocho namupwa vakulivanga kuya muufunge,+Vyema vyavaze vanatandavala nakulivwisa kuwaha navikakuma.
8 Yehova Kalunga wamayongomena nambe ngwenyi, ‘Mwata Wakulitulaho Yehova nalishingi ivene* ngwenyi,+“Ngunahungu kulisasa chaYakova,+Ngunahungu tuposhi twenyi vakukola,+Nganda navyuma vyosena vyatwamamo nangukavihana mumavoko avaka-kole.+
9 “‘“Kachi nge muzuvo namukasala vatu 10, navakiko navakafwa.
10 Kausoko kavo* mwakeza nakuvalovola umwe naumwe nakuvocha. Mwakafumisa vifuwa vyavo muze muzuvo. Jino mwakehula weshowo mwakapwa mukapete kamuzuvo ngwenyi, ‘Kutala munasale vatu vamwe nyi?’ Ikiye mwakakumbulula ngwenyi, ‘Naumwe nasalemo wauchi.’ Kaha uze kausoko mwakamba ngwenyi, ‘Hola kulu, mwomwo luno keshi hilwola lwakuvuluka lijina lyaYehovako.’”
11 Yehova ikiye nahane lushimbi,+Mwapuzula zuvo yayinene nakuyiseza malala kaha,Mwapuzula nawa zuvo yayindende nakuyiseza milumba kaha.+
12 Uno tuvalu veji kulahanga hamalolwa numba?Uno mutu nahase kulima hamalolwa navangombe numba?Enu munalumuna chiyulo chakwoloka kupwa mutondo wausungu,Munalumuna vilinga vyakwoloka kupwa mwaji.*+
13 Mweji kuwahililanga havyuma vyamokomoko,Mweji kwambanga ngwenu, “Tunajikiza* mungolo jetu.”+
14 Shikaho enu vakuzuvo yaIsalele, nangukaminehela lifuchi likaminyemukile.+Kaha navakamiyanjisa kufuma kuLevo-hamate*+ swi nakuMwanakalwiji* waAlava.’ Omu mukiko mwanambe Yehova Kalunga wamayongomena.”
Kwinyikila Chamwishi
^ Chipwe “vakanengauli.”
^ Pamo kulumbununa wangana wavaYuta nawou wavaIsalele.
^ Chipwe “navisaji vyamikole.”
^ Hepe., “kamweshi kuviza halupi.”
^ Chipwe “nalishingi mwono wenyi.”
^ Hepe., “Ndumbwasevo.”
^ Chipwe “kupwa vyuma vyavisasu.”
^ Hepe., “Tunalitambwila jimbinga.”
^ Chipwe “kuwingililo wakuHamate.”
^ Tala Mukana waMazu.
