Amose 8:1-14
8 Evi vikiko angumwenesele Mwata Wakulitulaho Yehova: Ngwamwene mutonga wamihako yahangonde yanonga.
2 Jino angwihwile ngwenyi, “Ove Amose, uli nakumona ika?” Ami ngwamukumbulwile ngwami, “Nguli nakumona mutonga wamihako yahangonde yanonga.” Kaha Yehova ambile kuli ami ngwenyi: “Lwola lwakuzangamisa vatu jami vaIsalele lunahete. Kangweshi kuvakonekela chekako.+
3 Mwata Wakulitulaho Yehova nambe ngwenyi, ‘Vatu navakalila jimbimbi mutembele mukutela kwimba myaso.+ Vivimbi navakavambilyejela kuvihela vyosena,+ kaha nakukapwa kwahwilichi.’
4 Ivwenu vyumevi, enu muli nakulyatangila vaka-kuhutwa,Enu muli nakukumisa vatu vavavwovu mulifuchi,+
5 Enu muli nakwamba ngwenu, ‘Viwanyino vyahakumweka chakakweji navikakuma mwaka uka+ mangana tulanjise jimbuto jetu jamanona?Jisambata+ najikakuma mwaka uka mangana tulanjise jimbuto jetu jamanona?Mangana tukehese chesekelo chalifwa,*Mangana tutohwese shekele,*Mangana tulyapule vatu navipezaliso vyetu vyakutangisa,+
6 Mangana tutambasane vaka-kukalikiza napalata,Mangana tutambasane vaka-kuhutwa namendelo,+Mangana tulanjise jimbuto jamanona jize kajatelemo kulanjisako.’
7 Yehova nalishingi Upahu waYakova+ ngwenyi,‘Kangweshi kukavulyama vilinga vyavoko.+
8 Ngocho lifuchi* nalikandenda,Vatu vatwamamo vosena navakalishona.+Lifuchi nalikafumika meya nge kalwiji Nyile,Nalikanganjanga nakuhohonyoka nge kalwiji Nyile wakuEjipitu.’+
9 Mwata Wakulitulaho Yehova nambe ngwenyi, ‘Halikumbi kanaNangukalingisa likumbi likalauke namusana,Nangukaneha milima mulifuchi musana weye.+
10 Nangukamilingisa mukalishone haviwanyino vyenu,+Myaso yenu yosena nangukayalumuna kupwa jingungu.*Nangukamilingisa mukavwale vikeleyi muvosena nakuteula tukongo.Halikumbi kana namukalishona nge mutu uze ali nakulishona mwanenyi umwe kaha,Likumbi kana nalikapwa lyavihuli chikuma.’
11 Mwata Wakulitulaho Yehova nambe ngwenyi, ‘Talenu! Makumbi ali nakwizaOmu nangukaneha zala yakalombolombo mulifuchi,Kangweshi kukaneha zala yavyakulyako, chipwe lipwila lyameyako,Oloze nangukaneha zala nalipwila lyamazu aYehova.+
12 Navakapelyangila kufuma kukalungalwiji umwe nakuya kukalungalwiji mukwavo,Navakapelyangila kufuma kunote nakuya kumututuko.Navakatambwojoka noku noku nakutondatonda mazu aYehova, oloze kaveshi kukawawanako.
13 Halikumbi kana vana vamapwevo vamwaza navakalezumuka nalipwilaHohamwe navakweze jamalunga.
14 Vaze veji kulishinganga shili yaSamaliya+ nakwamba ngwavo,“Ove Ndane,+ omu ayoya kalunga kove tu!”Ngwavo, “Omu yayoya jila yaMbele-sheva+ tu!”Navakalindwomwoka, kaha kaveshi kukakatuka chekako.’”+
Kwinyikila Chamwishi
^ Tala Chihande B14.
^ Tala Chihande B14.
^ Chipwe “mavu.”
^ Chipwe “kupwa myaso yakulishona.”
