Amose 9:1-15
9 Ngwamwene Yehova+ ali helu lyalijiko lyakulumbila, kaha ambile ngwenyi: “Veta kumitwe yajipanda, kaha mikwilichi nayilinyika. Teta mitwe yajipanda, kahava navasalaho nanguvajiha napoko yamukwale. Naumwe wauchi mwayovoka hali ava navachina. Ava nawa vali nakusaka kuchina kaveshi kuyovokako.+
2 Numba nge navafula mumavu mangana vaswame muFuka,*Ami nanguvatutululamo nalivoko lyami.Numba nge navaya mwilu nakuswamamo,Ami nanguvatululamo.
3 Numba nge navaswama helu lyapili yaKalamele,Nanguvatondatonda nakuvafumisako.+Numba nge navaswama hamashima akalungalwiji mangana nguhone kuvamona,Nanguvatumina linoka avasume.
4 Numba nge vaka-kole javo navavatwala muufunge,Nanguvatumina poko yamukwale, kaha nayivajiha.+Nanguvatala mangana nguvanehele lupi, keshi kisuko.+
5 Mwata Wakulitulaho Yehova wamayongomena Ikiye eji kukwatanga lifuchi,*Kaha hinaliyengunuka+ nakulingisa vatu vatwamamo vosena valishone.+Lifuchi lyosena nalifumika meya nge kalwiji Nyile,Nalihohonyoka nge kalwiji Nyile wakuEjipitu.+
6 ‘Ou eji kutunganga jindondelo jize jaheta namwiluNakutunga zuvo yenyi helu lyamavu,Ou eji kusanyikanga meya amukalungalwijiMangana awahingunwine hamavu,+Lijina lyenyi ikiye Yehova.’+
7 Yehova nambe ngwenyi, ‘Enu vaIsalele, enu munapu nge muvana vavaKushe kuli ami.Ami yami ngwalowele vaIsalele mulifuchi lyaEjipitu,+Yami ngwalowele vaFwilishite muKelete,+ yami nawa ngwalowele vaSulya muKile.’+
8 Yehova nambe ngwenyi, ‘Meso ayami Mwata Wakulitulaho Yehova anatale wangana washili,Nanguunongesa hano hamavu.+Oloze kangweshi kukalalisa vaze vakuzuvo yaYakova vosenako.’+
9 ‘Talenu! Nanguhana lushimbi,Kaha nangukanyunga vaze vakuzuvo yaIsalele muli vaka-mafuchi osena,+Nge omu mutu mwanyunga jimbuto jamanona mulunyungo,Kaha kakweshi lilolwa lize nalilondoka mulunyungo nakuholokela hamavuko.
10 Vatu jami vaka-shili vosena,Vaze vali nakwamba ngwavo, “Lupi kalweshi kutuwanako,” navafwa kupoko yamukwale.’
11 ‘Halikumbi lize, nangukatunga cheka chisakila* chaNdavichi+ chize chinashiuka,Nangukatungulula mahanya,*Nangukatungulula vize vinalyenyeka.Nangukachitungulula chikapwe nge muze chapwile kushikulu,+
12 Mangana vakahete vize vinasaleho muEtome,+Vakahete nawa vaka-mafuchi vosena vaze vanavulukilanga lijina lyami.’ Omu mukiko mwanambe Yehova ou ali nakulinga vyumevi.
13 Yehova nambe ngwenyi, ‘Talenu! Makumbi ali nakwiza,Omu muka-kulima navangombe mwakawana muka-kwaha nakumuhambakana,Omu muka-kulyatangila mihako yamivinyo mwakawana muka-kukuva jimbuto nakumuhambakana.+Kujipili jajinene nakukasotoka vinyo viyema,+Kujipili jajindende josena nawa nakukahita vinyo viyema.*+
14 Nangukakungulula vatu jami vaIsalele vaze vali muufunge,+Kaha navakatungulula jinganda jize jasalile jingundu nakutwamamo.+Navakalima mande amivinyo nakunwa vinyo vyakumihako kana.+Navakalima matepa nakulya mihako yamumatepa kana.’+
15 Yehova Kalunga kove nambe ngwenyi, ‘Nangukavatumba mulifuchi lyavo,Kaha kaveshi kukavavunya chekaMulifuchi lize ngwavahanyineko.’”+
Kwinyikila Chamwishi
^ Chipwe “muSheyole,” kulumbununa fuka yavatu vosena. Tala Mukana waMazu.
^ Chipwe “mavu.”
^ Chipwe “mbalaka; kapundo.”
^ Chipwe “mahanya avo.”
^ Hepe., “Jipili jajindende josena najikayengunuka.”
