Eseta 7:1-10
7 Jino mwangana naHamane+ vejile kukulya chize awahishile Lisano Eseta.
2 Kaha mwangana ambile cheka kuli Eseta halikumbi lyamuchivali omu vapwile nakunwa vinyo ngwenyi: “Uli nakusaka ika ove Lisano Eseta? Vyuma vyosena nausaka nangukuhanavyo. Vyuma muka uli nakusaka kungulomba? Nangukuhana numba vene chimbwa chawangana wami.”+
3 Lisano Eseta ambile ngwenyi: “Kachi nge unangwivwila uselewa, kaha nawa chinawahe kumeso ayove mwangana, nguli nakukulomba uyovole mwono wami, kaha nguli nakusaka nawa upululule vatu jami.+
4 Mwomwo ami navatu jami vanatulanjisa+ mangana vatujihe nakutulalisa tuvosena.+ Kachi nge vatulanjisanga mangana ngwavo tupwenga tuvandungo, kachi ngunaholo kulu. Oloze lupi elu vanatuvulukila naluneha luvinda nakuli ove mwangana.”
5 Jino Mwangana Ahaswelu ambile kuli Lisano Eseta ngwenyi: “Mutu muka vene owo najinyi kulinga chuma kanechi, kaha ali kulihi?”
6 Eseta ambile ngwenyi: “Muka-kole kana shina ou Hamane.”
Jino Hamane evwile woma mwomwo yamwangana nalisano.
7 Mwangana akatukile namatoto kuze vapwile nakunwina vinyo, kaha ayile kumilemba yakunganda. Oloze Hamane akatukile nakulembelela Lisano Eseta amuyovole, mwomwo amwene ngwenyi mwangana mwamuzangamisa.
8 Omu mwangana afumine kumilemba yakunganda nakukinduluka kuze vapwile nakunwina vinyo, awanyine Hamane nalimbili muchitwamo atwamine Eseta. Mwangana ambile ngwenyi: “Uno ali nakusaka nawa kupika lisano muzuvo yami nyi?” Omu mwangana akumishile kuhanjika mazu awa, vafwikile Hamane kumeso.
9 Jino Halavone+ chilolo chamwangana ambile ngwenyi: “Hamane najiki chitondo mangana vasukikeko Molotekai+ uze ambulwile mazu aze apululwile mwangana.+ Nachihake kuzuvo yenyi, chachisuku jikuvite 50.”* Kaha mwangana ambile ngwenyi: “Musukikenuko vene ikiye.”
10 Ngocho vasukikile Hamane kuchitondo chize ajikilile Molotekai, kaha mwangana atulishile matoto enyi.
Kwinyikila Chamwishi
^ Kafwe jimita 22.3. Tala Chihande B14.
