Ezekele 15:1-8
-
Yelusalema yinapu mutondo wamuvinyo waupi (1-8)
15 Yehova ahanjikile cheka kuli ami ngwenyi:
2 “Ove mwanamutu, mutondo wamuvinyo walihandunwina halihi namitondo yeka chipwe namitango yamitondo yamuchipapa?
3 Kutala vanahase kutetako chitondo nakuchizachisa kumulimo umwe numba? Kutala vatu veji kusongangako lumbambo lwakusukikako vyuma numba?
4 Tala! Mutondo kana veji kuuhakanga hakakahya kupwa jikunyi, ngocho kakahya keji kwochanga jisongo jawo josena, kaha hakachi kawo nawa heji kuvaukanga. Kutala vanahase kuuzachisa cheka kumulimo umwe numba?
5 Kachi nge kavahashile kuuzachisa omu wapwile wamuunduko, kutala vanahase kuuzachisa jino omu unaweme nakuvauka nyi?”
6 “Shikaho Mwata Wakulitulaho Yehova nambe ngwenyi: ‘Ngana mwamutondo wamuvinyo uze uli hamitondo yamuchipapa uze ngunahane vatu kupwa jikunyi, mukiko nangukalinga nakuvatu vaze vatwama muYelusalema.+
7 Ngunavatale nautenu. Vanayovoka kukakahya, oloze navawema nakakahya. Ngocho namukatachikiza ngwenu ami yami Yehova omu nangukavatala nautenu.’”+
8 “Mwata Wakulitulaho Yehova nambe ngwenyi, ‘Nangukalingisa lifuchi kupwa ngundu,+ mwomwo vatu vamulifuchi kana vanahono kushishika.’”+
