Ezekele 19:1-14
-
Lungungu lwavamyata javaIsalele (1-14)
19 “Imbila vamyata javaIsalele lungungu*
2 ngwove,‘Noko apwile iya? Apwile ndumba wachihwevo uze atwamine muli vandumba.Autaminenga navamyevu javandumba vangolo nakulela vana venyi.
3 Alelele mwanenyi umwe uze akolele nakupwa mwevu wandumba wangolo.+Alinangwile kutanya kanyama wamukoka.Alilenga nawa navatu.
4 Vaka-mafuchi vevwile puho yenyi, kaha vamufulilile wina nakumukwachilamo.Vamutwalile kulifuchi lyaEjipitu namalovo.+
5 Jino uze naye avandaminyine palanga nomu amwene ngwenyi mwanenyi keshi kukindulukako.Ngocho ambachile mwanenyi mukwavo nakumulingisa kupwa mwevu wandumba wangolo.
6 Nayikiye nawa atambukilenga muli vandumba, kaha apwile mwevu wandumba wangolo.Alinangwile kutanya kanyama wamukoka, nakulya vatu.+
7 Avazombelenga mutuposhi twavo vakukola, nakwenyeka jinganda javo,Ngocho mujingundu javo mwevwakanyinenga kutahwoka chenyi kaha.+
8 Jino vaka-mafuchi vamujingalila jize jamujingilikile vamunyemukilile nakumutela lyoji,Kaha vamufulilile wina nakumukwachilamo.
9 Vamuhakile muchingala* namalovo, kaha vamutwalile kuli mwangana waMbavilone.Vamulaminyine kuze mangana lizu lyenyi lihone kwivwakana cheka hajipili jaIsalele.
10 Noko apwile nge muvinyo+ mumanyinga ove* uze vanatumbu kumeya.Wemine mihako, kaha wapwile namitango yayivulu mwomwo wasokele kumeya amavulu.
11 Wapwile namitango* yangolo, yakutela kusonga jimbwechi javaka-kuyula.Wakolele nakusuhwa kuhambakana mitondo yikwavo,Kaha vaumwenenga mwomwo yakusuhwa chawo nakuvula chamitango yawo.
12 Oloze vautukwile+ nautenu nakuumbila hamavu,Kaha peho yakumututuko yomishile mihako yawo.Mitango yawo vayipamwine, kaha yomine chau+ nakuwema nakakahya.+
13 Oholyapwa vanautumbu jino mupambo,Mulifuchi lyalipwila lyakuzeneka meya.+
14 Kakahya katanjile kufuma kumitango* yawo nakukwata kumiji yawo nakumihako yawo,Kaha kakwasalile mutango numba umweko, chipwe mbwechi yakuyulisa.+
“‘Elu lukiko lungungu, kaha lupwenga lungungu.’”
Kwinyikila Chamwishi
^ Chipwe “mwaso wakulishona.”
^ Chipwe “mungala.”
^ Chipwe pamo, “nge muvinyo uze uli muwande wove wamivinyo.”
^ Chipwe “navitondo.”
^ Chipwe “kuvitondo.”
