Ezekele 25:1-17
25 Yehova ahanjikile cheka kuli ami ngwenyi:
2 “Ove mwanamutu, talisa meso ove kuli vaAmone+ nakupolofweta vyuma navisoloka kuli vakiko.+
3 Lweza vaAmone ngwove, ‘Ivwenu vyuma nahanjika Mwata Wakulitulaho Yehova. Mwata Wakulitulaho Yehova nambe ngwenyi: “Hakuwana nge mwambile ngwenu ‘Ewa!’ omu chihela chami chajila vachijilulwile, nomu lifuchi lyaIsalele lyasalile ngundu, nomu vaze vakuzuvo yaYuta vayile muundungo,
4 ngocho nangumihana kuli vatu vakuMututuko vamihete. Navatunga vilombo* vyavo najimbalaka javo muli enu. Navalyanga mihako yalifuchi lyenu nakunwa mavele avimuna jenu.
5 Nangulingisa Lava+ kupwa ulilo wavangamela, nalifuchi lyavaAmone kupwa unokelo wamikoko. Ngocho namukatachikiza ngwenu ami yami Yehova.”’”
6 “Mwata Wakulitulaho Yehova nambe ngwenyi: ‘Hakuwana nge mwasawile+ lifuchi lyaIsalele, nakusakwilila mumavoko enu,+ nakusambwojoka nakuwahilila havyuma vyasolokele mulifuchi kana,
7 ngocho nangwolola livoko lyami nakumizangamisa hakumihana kuli vaka-mafuchi eka kupwa vyuma vyakupupa. Nangumijiha muli vatu nakuminongesa mulifuchi.+ Nanguminongesa, kaha namukatachikiza ngwenu ami yami Yehova.’
8 “Mwata Wakulitulaho Yehova nambe ngwenyi: ‘Hakuwana nge Mowave+ naSeile+ vanambe ngwavo, “Talenu! Vaze vakuzuvo yaYuta vanapu nge vaka-mafuchi eka,”
9 ngocho nangusolola luhachi* lwaMowave hatoma. Nangusolola jinganda jenyi jaMbete-yeshimote, naMbale-meyone swi nakuKilyataime+ jize jatwamina kungiza jize nawa jawahisa lifuchi lyenyi.
10 Nangumuhanyina kumwe navaAmone kupwa luheto lwavatu vakuMututuko+ mangana vaAmone vakahone kukavanuka cheka muli vaka-mafuchi.+
11 Nanguzangamisa Mowave,+ kaha navakatachikiza ngwavo ami yami Yehova.’
12 “Mwata Wakulitulaho Yehova nambe ngwenyi: ‘Etome nalingi sambanjinga kuli vaze vakuzuvo yaYuta, kaha ali namulonga hakulinga sambanjinga kuli vakiko.+
13 Ngocho Mwata Wakulitulaho Yehova nambe ngwenyi: “Nangwolola livoko lyami nakuzangamisa lifuchi lyaEtome nakujiha vatu navimuna, kaha nalipwa ngundu.+ Vatu navalindumuka kupoko yamukwale kufuma kuTemane swi nakuNdetane.+
14 Mwata Wakulitulaho Yehova nambe ngwenyi, ‘Nanguzachisa vatu jami vaIsalele ngulinge sambanjinga kuli Etome.+ Navasolwela Etome matoto ami nautenu wami mangana akamone ngwenyi ngunalingi sambanjinga kuli ikiye.’”’+
15 “Mwata Wakulitulaho Yehova nambe ngwenyi: ‘Hakuwana nge vaFwilishite vanemanyina vaIsalele nakole nakujina kuvalinga sambanjinga nakuvanongesa,+
16 ngocho Mwata Wakulitulaho Yehova nambe ngwenyi: “Nangwolola livoko lyami nakuzangamisa vaFwilishite.+ Nangujiha vaKelete+ nakunongesa vaze vasala kungenge yakalungalwiji.+
17 Nangukalinga sambanjinga kuli vakiko, nakuvazangamisa chikuma, kaha navakatachikiza ngwavo ami yami Yehova omu nangukalinga sambanjinga.”’”
Kwinyikila Chamwishi
^ Chipwe “vilombo vyakujingulwisa jikembwe.”
^ Chipwe “nangusolola mingulunga.”
