Ezekele 28:1-26
28 Yehova ahanjikile cheka kuli ami ngwenyi:
2 “Ove mwanamutu, lweza twamina walifuchi lyaTule ngwove, ‘Mwata Wakulitulaho Yehova nambe ngwenyi:“Hakuwana nge uli namuchima wakulivwimba,+ ngocho uli nakwamba ngwove, ‘Ami ngwapwa ngukalunga.Ngwatwama halitanda lyakalunga mukachi kakalungalwiji.’+Oloze unapu umutu kaha, keshi ukalungako,Numba tuhu uli nakushinganyeka ngwove wapwa ukalunga.
3 Tala! Ove uli nakushinganyeka ngwove unapu umuka-mangana kuhambakana Ndanyele.+Ngwove kakweshi chuma chimwe chinapu chakusweka kuli oveko.
4 Unahete luheto namangana ove nakunangakana chove,Kaha uli nakulilunjikila ulu napalata muvisete vyove.+
5 Mangana ove akusekasana anakuhetesa luheto lwaluvulu,+Kaha uli namuchima wakulivwimba mwomwo yaluheto lwove.”’
6 “‘Shikaho Mwata Wakulitulaho Yehova nambe ngwenyi:“Hakuwana nge uli nakushinganyeka ngwove wapwa ukalunga,
7 Ngocho nangukakunehela vaka-mafuchi eka vaukenya chikuma.+Navakasolomona jipoko jamikwale nakwenyeka vyuma vyove vyamwaza vize unawane mumangana ove,Kaha navakapihisa luvaji lwove.+
8 Navakakushikumwina muwina,*Kaha naukafwa mwamupi mukachi kakalungalwiji.+
9 Kutala naukamba nawa kuli vaze navakakujiha ngwove, ‘Ami ngwapwa ngukalunga’ nyi?Naukapwa umutu kaha, keshi ukalungako kuli vaze navakakupihisa.”’
10 Mwata Wakulitulaho Yehova nambe ngwenyi, ‘Navakakujiha kuli vaka-mafuchi eka nganomu navajiha vilima,Mwomwo ami yami ngunahanjika.’”
11 Yehova ahanjikile cheka kuli ami ngwenyi:
12 “Ove mwanamutu, imbila mwangana waTule lungungu* ngwove, ‘Mwata Wakulitulaho Yehova nambe ngwenyi:“Wapwile uwakutalilaho kukukupuka,Uwakuzala namangana,+ uwamwaza chikuma.+
13 Wapwilenga muEtene mumilemba yaKalunga.Vakuwahishile namalolwa andando yayineneAluve, natopaze, nayashipili, nakulusolite, nalunyishe, nayate, nasafwila, natukuse,+ nalimelate.Vikwachilo vyamalolwa kana vyapwile vyaulu.Vyuma kana vavilongesele halikumbi lize vakutengele.
14 Ngwakutongwele kupwa keluve wakuwavisa muka-kufwika.Wapwile hapili yajila yaKalunga,+ kaha watambukilenga hamalolwa akakahya.
15 Vilinga vyove vyapwile vyakwoloka kufuma halikumbi vakutengelePalanga nomu waputukile kulinga vilinga vyakuhenga.+
16 Wazalile navilinga vyaulyanyi nakuputuka kulinga shili+Mwomwo yakutohwa chakusekasana+ chove.Ove keluve muka-kufwika, nangukufumisa hapili yaKalunga ngana mwachuma vanalumbilisa, nakukunongesa+Mangana ufume hamalolwa akakahya.
17 Waputukile kupwa namuchima wakulivwimba mwomwo yakuwaha chove.+Wenyekele mangana ove mwomwo yaluvaji lwove.+Ngocho nangukumbila hamavu,+Kaha nangukulingisa kupwa uchuma chize navatala vamyangana.
18 Unajilulula vihela vyove vyajila namilonga yove yayinene nakusekasana chove chalizangamina.Nanguwika kakahya muli ove, kaha nakakwocha.+Nawalumuka kupwa uto hamavu kumeso avatu vosena vaze vali nakukutala.
19 Vatu veka naveka vaze vakutachikiza vosena navakakutala oku vanalikomokela.+Kukuma chove nachiza mukukasumuna,Kaha kaweshi kukapwako chekako haya myaka yosena.”’”+
20 Yehova ahanjikile cheka kuli ami ngwenyi:
21 “Ove mwanamutu, talisa meso ove kuli Shitone+ nakupolofweta vyuma navisoloka kuli ikiye.
22 Mulweze ngwove, ‘Mwata Wakulitulaho Yehova nambe ngwenyi:“Ove Shitone, ngunakwimanyina nakole, kaha navakangutohwesa havyuma nangukalinga kuli ove.Navakatachikiza ngwavo ami yami Yehova omu nangukakuzangamisa nomu navakangujilika hali ove.
23 Nangukakutumina musongo wachihita, kaha manyinga nawakamwangala mujijila jove.Vatu navakalindwomwoka omu nayikeza poko yamukwale hali ove kufuma kumitamba yosena.Kaha navakatachikiza ngwavo ami yami Yehova.+
24 “‘“Ngocho vaze vakuzuvo yaIsalele kaveshi kukavajingilika cheka kuvatu vaze vanapu nge vikwata namingonga+ vaze veji kuvasaulangako. Kaha vatu navakatachikiza ngwavo ami yami Mwata Wakulitulaho Yehova.”’
25 “‘Mwata Wakulitulaho Yehova nambe ngwenyi: “Omu nangukakungulula cheka vaze vakuzuvo yaIsalele kufuma kuvatu veka naveka kuze ngunavamwangila,+ navakangujilika kumeso avaka-mafuchi eka.+ Kaha navakatwama mulifuchi lyavo+ ngwahanyine ngamba yami Yakova.+
26 Navakapwanga vakukingiwa+ mulifuchi kana, navakatunga jizuvo nakulima mande amivinyo.+ Navakapwa vakukingiwa omu nangukazangamisa vosena vaze vanavajingilika vaze vali nakuvasaula.+ Kaha navakatachikiza ngwavo ami yami Yehova Kalunga kavo.”’”
