Ezekele 31:1-18
-
Kunonga chaEjipitu, mushitale waunene (1-18)
31 Jino mumwaka wakusokesa 11, mukakweji wakulivanga, halikumbi lyakulivanga, Yehova ahanjikile cheka kuli ami ngwenyi:
2 “Ove mwanamutu, hanjika kuli Fwalo mwangana waEjipitu naliyongomena lyenyi+ ngwove,‘Kutohwa chove chinapu nge cheya?
3 Ove unapu nge kaAsulya, namutondo wamushitale wakuLevanoneUze wapwile namitango yamwaza namuvule nge lifufwa.Wasuhwile nakuheta mumavwi.
4 Watohwele nakusuhwa nameya amutuselwoke vakukunama.Tulwiji vaujingilikile.Kaha tupila vatwalilenga meya kumitondo yosena yamuchipapa.
5 Echi chikiko chalingishile mutondo kana usuhwe kuhambakana mitondo yeka yamuchipapa.Mitango yawo yavulile nakusuhwaMwomwo yameya amavulu amutulwiji.
6 Tujila vakutuka mwilu vosena vatungilenga maswa avo kumitango yawo,Kaha tunyama vamuchipapa vasemenenenga mwishi yawo.Vatu vakumafuchi osena vatwaminenga nawa mumuvule wawo.
7 Wapwile wamwaza chikuma namitango yayisukuMwomwo miji yawo yahetele kumeya amavulu.
8 Mumilemba yaKalunga kamwapwile mushitale weka+ uze wafwanyine mushitale kanako.Minjunyipe namipelene kayapwile namitangoYize yafwanyine mitango yamutondo kanako.Mumilemba yaKalunga kamwapwile mutondo weka uze wawahile nge ukikoko.
9 Ngwauwahishile hakuulingisa upwenga namafwo amavulu,Kaha mitondo yamuEtene, mumilemba yaKalunga wamuchano yosena yawivwilile lushiushiu.’
10 “Shikaho Mwata Wakulitulaho Yehova nambe ngwenyi, ‘Hakuwana nge unasuhu chikuma nakuheta mumavwi, kaha nawa unalivwimbi mwomwo yakusuhwa chove,
11 ngocho nangukakuhana kuli muka-kuyula wangolo wamuli vaka-mafuchi eka,+ kaha mwakakuzangamisa chikupu. Nangukakukana mwomwo yakuhuka chove.
12 Vatu vakumafuchi eka vaukenya navakakupakula, kaha navakakuseza hajipili. Mafwo ove nawakahulukila muvinema vyosena, mitango yove nayikahokojokela mutulwiji vamulifuchi lyosena.+ Vatu veka naveka vosena hamavu navakafuma mumuvule wove nakukuseza.
13 Tujila vakutuka mwilu vosena navakatwamanga hamungowa wove, tunyama vamuchipapa vosena navakatwamanga hamitango yove.+
14 Chuma kana nachikasoloka mangana kukazeneke kupwa mutondo uli kumeya amavulu chipwe uze vali nakutukumwina kanawa uze naukasuhwa chikuma nakuheta mumavwi. Mwomwo mitondo yosena nayikafwa nakuya mumavu hohamwe navatu vaze vali nakushikumuka muwina.’*
15 “Mwata Wakulitulaho Yehova nambe ngwenyi, ‘Halikumbi lize naukashikumuka muFuka,* nangukalingisa vatu vakalishone. Ngocho nangukashikila tuselwoke vameya vakukunama nakujika tulwiji mangana meya akazeneke kuhita. Nangukaneha milima muLevanone mwomwo yayove, kaha mitondo yamuchipapa yosena nayikazuza.
16 Lushindo lwakulindumuka chove nalukandendesa mafuchi omu nangukakushikumwina muFuka* hohamwe navatu vaze vali nakushikumuka muwina.* Kaha mitondo yamuEtene yosena,+ namitondo yakusakula yamwaza yakuLevanone, namitondo yakutukumwina kanawa navakayivendejeka kwishi yamavu.
17 Yinashikumuka muFuka* muze naukashikumuka nayove. Naukashikumuka navaze vali nakukukundwiza,* vaze vatwaminenga mumuvule wove muli vaka-mafuchi.+ Muvosena namukashikumuka kuli vaze vajihile napoko yamukwale.’+
18 “Mwata Wakulitulaho Yehova nambe ngwenyi, ‘Mitondo mukaze yamuEtene yalifwanyine nayove kuupahu nakutohwa?+ Oloze navakakushikumwina kwishi yamavu hamwe namitondo yamuEtene. Naukasavala hamwe navilima vaze vajihile napoko yamukwale. Evi vikiko navikasoloka kuli Fwalo naliyongomena lyenyi lyosena.’”
Kwinyikila Chamwishi
^ Chipwe “mufuka.”
^ Chipwe “muSheyole,” kulumbununa fuka yavatu vosena. Tala Mukana waMazu.
^ Chipwe “muSheyole,” kulumbununa fuka yavatu vosena. Tala Mukana waMazu.
^ Chipwe “mufuka.”
^ Chipwe “muSheyole,” kulumbununa fuka yavatu vosena. Tala Mukana waMazu.
^ Hepe., “Naukashikumuka nalivoko lyove.”
