Ezekele 48:1-35
48 “Awa akiko majina amiyachi kuputukila kusongo yakunote: Musuka wamavu waNdane+ ukafuma kujila yaHetelone nakuheta kuLevo-hamate*+ nakuHazale-enane kungiza yaNdamashiku kunote kwakamwihi naHamate.+ Ukafume nawa kungiza yakumututuko nakuheta kungiza yakumulauko.
2 Musuka wamavu waAshele+ ukalipule ngiza namusuka waNdane, kufuma kungiza yakumututuko nakuheta kungiza yakumulauko.
3 Musuka wamavu waNafwatale+ ukalipule ngiza namusuka waAshele, kufuma kungiza yakumututuko nakuheta kungiza yakumulauko.
4 Musuka wamavu waManase+ ukalipule ngiza namusuka waNafwatale, kufuma kungiza yakumututuko nakuheta kungiza yakumulauko.
5 Musuka wamavu waEfwalime ukalipule ngiza namusuka waManase,+ kufuma kungiza yakumututuko nakuheta kungiza yakumulauko.
6 Musuka wamavu waLuvene ukalipule ngiza namusuka waEfwalime,+ kufuma kungiza yakumututuko nakuheta kungiza yakumulauko.
7 Musuka wamavu waYuta ukalipule ngiza namusuka waLuvene,+ kufuma kungiza yakumututuko nakuheta kungiza yakumulauko.
8 Musuka wamavu uze namukahana Kalunga kupwa wana ukalipule ngiza namusuka waYuta, kufuma kungiza yakumututuko nakuheta kungiza yakumulauko. Ukapwe jikuvite* 25,000 muwihi,+ kaha muusuku ukateseke hamwe namisuka yamiyachi yavaIsalele kufuma kungiza yakumututuko nakuheta kungiza yakumulauko. Chihela chajila chikapwile hakachi kamusuka kana.
9 “Musuka wamavu namukahana Yehova ukapwe jikuvite 25,000 muusuku, kaha muwihi jikuvite 10,000.
10 Musuka kana ukapwe wana wajila wavapilishitu.+ Kumutamba wakunote ukapwe jikuvite 25,000, kumutamba wakumulauko ukapwe jikuvite 10,000, kumutamba wakumututuko ukapwe jikuvite 10,000, kaha kumutamba wakusulo ukapwe jikuvite 25,000. Chihela chajila chaYehova chikapwile hakachi kamusuka kana.
11 Ukapwe wavapilishitu vakujilika, vakutanga yaZatoke+ vaze vanguzachililenga milimo, vaze vazenekele kuhanduka kuli ami omu vaIsalele navaLevi vahandukile kuli ami.+
12 Navakapwa nachazano kumusuka wawana navakahana Kalunga kupwa wajila chikuma, kungiza yamusuka wavaLevi.
13 “VaLevi vakapwe namusuka kwakamwihi nangalila yavapilishitu. Musuka kana ukapwe jikuvite 25,000 muusuku, kaha muwihi jikuvite 10,000. (Musuka wosena ukapwe jikuvite 25,000 muusuku, kaha muwihi jikuvite 10,000.)
14 Kanda vakalanjisa musuka kanou waulemu, chipwe kuutambasana, chipwe kuuhana kuli vatu vekako mwomwo unapu musuka wajila kuli Yehova.
15 “Musuka naukasalako wajikuvite 5,000 muwihi uze naukapwila kungiza namusuka wajikuvite 25,000 ukapwe wanganda wakuzachisa kumilimo yeka.+ Ukapwe wachipapa nakutungaho jizuvo. Nganda yikapwe hakachi kamusuka kana.+
16 Omu mukiko nayikatohwa nganda: Kungiza yakunote yikapwe jikuvite 4,500, kungiza yakusulo yikapwe jikuvite 4,500, kungiza yakumututuko yikapwe jikuvite 4,500, kaha kungiza yakumulauko yikapwe jikuvite 4,500.
17 Chipapa changanda chikapwe jikuvite 250 kunote, kusulo jikuvite 250, kumututuko jikuvite 250, kaha kumulauko jikuvite 250.
18 “Musuka naukasalaho ukateseka hamwe namusuka wawana wajila muusuku.+ Ukapwe jikuvite 10,000 kumututuko, kaha kumulauko ukapwe jikuvite 10,000. Ukateseka hamwe namusuka wawana wajila. Mbuto najikafumaho najikapwa kulya chavaka-kuzata munganda.
19 Vaka-kuzata munganda vakumiyachi yosena yavaIsalele vakiko navakaulimanga.+
20 “Musuka wosena wawana wajila ukapwe jikuvite 25,000 kumitamba yosena. Mukausezaho kupwa wana wajila hohamwe namusuka wanganda.
21 “Musuka naukasalaho kumusuka wawana wajila nakumusuka wanganda ukapwe wamwata.+ Naukapwila kungiza namusuka wawana wajila wajikuvite 25,000 kumututuko nakumulauko. Naukateseka hamwe namisuka yinalihate nayo, kaha naukapwa wamwata. Musuka wawana wajila nachihela chajila chatembele navikapwila hakachi kamusuka kana.
22 “Musuka wavaLevi namusuka wanganda ukapwe hakachi kamusuka wamwata. Ngalila yamwata yikapwile mukachi, oku ngiza yamusuka waYuta+ oku ngiza yamusuka waMbenjamine.
23 “Omu mukiko nayikapwa misuka yamiyachi yinasaleko: Musuka wamavu waMbenjamine ukafume kungiza yakumututuko nakuheta kungiza yakumulauko.+
24 Musuka wamavu waShimeyone ukalipule ngiza namusuka waMbenjamine,+ kufuma kungiza yakumututuko nakuheta kungiza yakumulauko.
25 Musuka wamavu waIsakale+ ukalipule ngiza namusuka waShimeyone, kufuma kungiza yakumututuko nakuheta kungiza yakumulauko.
26 Musuka wamavu waZevulune ukalipule ngiza namusuka waIsakale,+ kufuma kungiza yakumututuko nakuheta kungiza yakumulauko.+
27 Musuka wamavu waNgate ukalipule ngiza namusuka waZevulune,+ kufuma kungiza yakumututuko nakuheta kungiza yakumulauko.
28 Ngiza yakusulo yize yili kungiza yaNgate yikafume kuTamale+ nakuheta kumeya akuMelivote-kateshe+ swi nakuMwanakalwiji,*+ nakuKalungalwiji Wamunene.*
29 “Awa akiko mavu namukapangila miyachi yavaIsalele+ kupwa luheto lwavo, kaha eyi yikiko nayikapwa misuka yavo yamavu.”+ Omu mukiko mwanambe Mwata Wakulitulaho Yehova.
30 “Awa akiko nawakapwa malovokelo anganda: Mutamba wakunote naukapwa jikuvite 4,500.+
31 “Vikolo vyanganda vakaviluke majina amiyachi yavaIsalele. Kunote kukapwe vikolo vitatu, chimwe chaLuvene, chikwavo chaYuta, chikwavo chaLevi.
32 “Mutamba wakumututuko ukapwe jikuvite 4,500 muusuku. Kukapwe vikolo vitatu: chimwe chaYosefwe, chikwavo chaMbenjamine, chikwavo chaNdane.
33 “Mutamba wakusulo ukapwe jikuvite 4,500 muusuku. Kukapwe vikolo vitatu: chimwe chaShimeyone, chikwavo chaIsakale, chikwavo chaZevulune.
34 “Mutamba wakumulauko ukapwe jikuvite 4,500 muusuku. Kukapwe vikolo vitatu: chimwe chaNgate, chikwavo chaAhele, chikwavo chaNafwatale.
35 “Nganda yosena nayikapwa jikuvite 18,000. Kufuma halikumbi kana, nganda navakayivulukanga ngwavo Yehova Ali Muno.”+
Kwinyikila Chamwishi
^ Chipwe “kuwingililo wakuHamate.”
^ Vali nakuvuluka jikuvite jajisuku. Tala Chihande B14.
^ Ikiye Kalungalwiji waMendetelenya.
^ Ikiye Mwanakalwiji waEjipitu.
