Ezela 10:1-44
10 Omu Ezela apwile nakulomba+ nakulitavila milonga yavo, nakulila, nakulyalanga hamavu kulutwe lwazuvo yaKalunga wamuchano, lizavu lyalinene lyamalunga, namapwevo, navanyike vakungulukile kuli ikiye, kaha valilile chikuma.
2 Jino Shekanyiya mwanaYehyele+ wakutanga yaElame+ ambile kuli Ezela ngwenyi: “Katwashishikile kumeso aKalunga ketuko mwomwo tunambate mapwevo vamuli vaka-mafuchi eka.+ Oloze chipwe ngocho, Kalunga mwakavalakana vaIsalele.
3 Ngocho tulishikenu lushiko naKalunga+ ketu mangana tuhange mapwevo jetu vosena navana vaze tunaseme navo nge kutesa najindongi jaYehova navaze vavumbika jishimbi jaKalunga ketu.+ Tulingenu nge omu mwaya jishimbi.
4 Shikaho katuka, vyuma vyosena vili mumavoko ove, kahetu tuli nayove hamwe. Jikiza ulingeho chuma chimwe.”
5 Ezela akatukile, kaha ashingishile vakulwane javapilishitu, navaLevi, navaIsalele vosena valinge vyuma vize vahanjikile.+ Ngocho valishingile.
6 Ezela afumine kulutwe lwazuvo yaKalunga wamuchano nakwingila mukapete kakulila kaYehohanane mwanaElyashive. Numba tuhu engilile muze mukapete kakulila, oloze kalile vyakulya chipwe kunwa meyako mwomwo alishonene hakuwana nge vaze vafumine muufunge kavashishikileko.+
7 Jino muYuta namuYelusalema mwosena vahichishilemo luvila mangana vaze vafumine muufunge valikungulwile muYelusalema.
8 Kaha vamyata navakulwane vahanyine vatu makumbi atatu mangana vakunguluke, kaha weshowo ahonene kuyako vambile ngwavo navamutambula vyuma vyenyi vyosena nakumuhanga mulizavu lyavaze vafumine muufunge.+
9 VaYuta navaMbenjamine valikungulwile hamwe kuYelusalema mumakumbi atatu aze vavalwezele. Vakungulukile mukakweji wakusokesa 9 halikumbi lyakusokesa 20 lyakakweji kana. Vatu vosena vatwamine muchipango chazuvo yaKalunga wamuchano, vapwile nakuchikima mwomwo yachihande kanechi navula yayinene yize yapwile nakunoka.
10 Jino kapilishitu Ezela emanyine nakwamba kuli vakiko ngwenyi: “Kamwashishikileko mwomwo munambate mapwevo vakumafuchi eka,+ kaha munawezela kumilonga yavaIsalele.
11 Shikaho litavilenu milonga yenu kuli Yehova Kalunga kavakakuluka jenu nakulinga mwaya muchima wenyi, kaha lihandulenu kuli vaka-mafuchi eka nakuli mapwevo ava.”+
12 Kaha vatu vosena mulizavu vetavile nalizu lyakukanguka ngwavo: “Natulinga mwosena muze unahanjika.
13 Oloze vatu vanavulu, kaha yino hingonde yavula ngocho katweshi kuhasa kwimana hawelukako. Echi chihande nawa kacheshi kumbata likumbi limwe chipwe avaliko mwomwo tunalikange chikuma.
14 Ngocho jino, itavisa vamyata jetu vemanyineko lizavu lyosena.+ Kaha malunga vosena vamujinganda jetu vaze vanambate mapwevo vakumafuchi eka vezenga navakulwane, navaka-kuyula vamunganda hinganda halwola nautongola, palanga nomu natupeula matoto natukwachila Kalunga hachihande kana echi.”
15 Yonatane mwanaAsahele, naYazeya mwanaChikiva vakanyine mazu kana, oloze Meshulame naShevetai+ vaze vapwile vaLevi vetavilile mazu vahanjikile vatu.
16 Vatu vaze vafumine muufunge valingile muze valikashile. Kaha kapilishitu Ezela navatwamina vakujizuvo javakakuluka javaIsalele vaze vavulukile hamajina avo, valikungulwile kwauka wavo halikumbi lyatete lyakakweji wakusokesa 10 mangana valiwoyongole hachihande kana.
17 Kaha halikumbi lyatete lyakakweji wakulivanga vakumishile kutala hachihande chamalunga vosena vaze vambachile mapwevo vakumafuchi eka.
18 Kaha vawanyine nge vana vavapilishitu vamwe vambachile mapwevo vakumafuchi eka.+ Hali vana vaYeshuwa+ mwanaYehozatake navandumbwenyi hapwile Maseya, naEliyeze, naYalive, naNgetaliya.
19 Malunga kana vetavilile kuhanga mapwevo javo oloze hakuwana nge vavulumwine, ngocho vahanyine mutu himutu chizamba chamukoko hamulonga vavulumwine.+
20 Hali vana vaImele+ hapwile Hananyi, naZevachiya.
21 Hali vana vaHalime+ hapwile Maseya, naElija, naShemaya, naYehyele, naUjiya.
22 Hali vana vaPashule+ hapwile Eliyowenai, naMaseya, naIshimele, naNetanele, naYozavate, naEleyasa.
23 Hali vaLevi hapwile Yozavate, naShimei, naKelaya, (chipwe ngwetu Kelita), naPetahiya, naYuta, naEliyeze.
24 Hali vaka-kwimba hapwile Elyashive, kaha hali vaka-kulama kuvikolo hapwile Shalume, naTeleme, naUli.
25 Kuli vaIsalele, hali vana vaPaloshe+ hapwile Lamiya, naIjiya, naMalakiya, naMiyamine, naEleyaza, naMalakiya, naMbenaya.
26 Hali vana vaElame+ hapwile Matanyiya, naZekaliya, naYehyele,+ naAvachi, naYelemote, naElija.
27 Hali vana vaZatu+ hapwile Eliyowenai, naElyashive, naMatanyiya, naYelemote, naZavate, naAjiza.
28 Hali vana vaMbevai+ hapwile Yehohanane, naHananyiya, naZavai, naAtalai.
29 Hali vana vaMbanyi hapwile Meshulame, naMaluke, naAtaya, naYashuve, naSheyale, naYelemote.
30 Hali vana vaPahate-mowave+ hapwile Atana, naKelale, naMbenaya, naMaseya, naMatanyiya, naMbezalele, naMbinuwi, naManase.
31 Hali vana vaHalime+ hapwile Eliyeze, naIshiya, naMalakiya,+ naShemaya, naShimeyone,
32 naMbenjamine, naMaluke, naShemaliya.
33 Hali vana vaHashume+ hapwile Matenai, naMatata, naZavate, naElifwelete, naYelemai, naManase, naShimei.
34 Hali vana vaMbanyi hapwile Matai, naAmalame, naUwele,
35 naMbenaya, naMbeteya, naKeluhi,
36 naVanyiya, naMelemote, naElyashive,
37 naMatanyiya, naMatenai, naYasu.
38 Hali vana vaMbinuwi hapwile Shimei,
39 naShelemiya, naNatane, naAtaya,
40 naMakanatevai, naShashai, naShalai,
41 naAzalele, naShelemiya, naShemaliya,
42 naShalume, naAmaliya, naYosefwe.
43 Hali vana vaNevo hapwile Yeyele, naMachichiya, naZavate, naZevina, naYatai, naYowele, naMbenaya.
44 Malunga vosena ava vambachile mapwevo vakumafuchi eka,+ kaha vahangile mapwevo javo navana vasemene navo.+
