Hambakuke 2:1-20
2 Nangwimana kuchihela chami chakulamina,+Nangwimana hamulundu.Nanguvandamina ngumone vyuma mwahanjika kuli ami,Nge mwanguhanjikila, kaha nangumona mwakumukumbulwila.
2 Jino Yehova angukumbulwile ngwenyi:“Soneka kanawa chakumwenesa chino hamalolwa,+Mangana uze mwakatanga nakutambakana akatange kanawa.+
3 Chakumwenesa kana nachikasoloka halwola vachitongwela,Kaha chili nakwanguhwa mangana chisoloke,* kacheshi kulyongako.Numba nge nachishimbula, oloze chivandaminenga.*+Mwomwo nachikatesamo chikupu.Kacheshi kukakotokelako.
4 Tala ou ali nakulivwimba.Kapwa mutu wakwolokako.Muka-kwoloka mwayoyanga mwomwo yakushishika* chenyi.+
5 Vinyo vinapu nge muka-kumbembejeka,Muka-kulivwimba keshi kukatesamo vyuma najinyiko.Atwama nachipepa chakulya chikuma nge muze yapwa Fuka.*Napu nge kufwa, kaha keshi kwikutako.Eji kukungululanga vaka-mafuchi osena,Eji kulikungulwilanga vatu veka naveka vosena.+
6 Vatu vosena navakamuta muvishimo, navakamusendekela, nakumuvuluka mutushimutwiji.+Navakamba ngwavo:‘Lamba kuli ou eji kulikungulwilanga vyuma vize kavyeshi vyenyiko,Ou eji kutohwesanga mikuli yenyi!Uno mwalinganga ngocho palanga nakumwaka uka?
7 Uno vaka-kukulevanyisa kaveshi kukakunyemukila mukukemwina chalisoko nyi?Navakahinduka nakukwivwisa woma chikuma,Kaha naukapwa uchuma chize navakapupa.+
8 Hakuwana nge wapupile vaka-mafuchi vavavulu,Vatu veka naveka vosena navakakupupa,+Mwomwo yamanyinga avatu wamwangile,Navyuma vyavipi walingile hamavu,Namujinganda, nakuli vaze vatwamamo.+
9 Lamba kuli ou eji kuwanyinanga vaze vakuzuvo yenyi nganyo yayipi,Mangana ahake zuvo yenyi* hachihela chakuzandama,Kuchina ukalu naumuwana.
10 Unanehe sonyi hali vaze vakuzuvo yove.Unalingi shili kuli ove ivene* hakunongesa vatu veka naveka.+
11 Lilolwa nalikateta miteto hambango,Kaha lisoko lyahamulungu wazuvo nalikakumbulula.
12 Lamba kuli ou mwatunga nganda hakumwanga manyinga,Nayou mwatunga mbongi navilinga vyakuhenga.
13 Yehova wamayongomena ikiye najinyi ngwenyi vyuma vize vanayanjila vatu vinonge mukakahya,Kaha vaka-mafuchi nawa valikatalise navyuma vyamokomoko.+
14 Mwomwo hamavu hosena nahakazala chinyingi chakutachikiza upahu waYehova,Nge muze kalungalwiji azala nameya.+
15 Lamba kuli ou mwahana masepa jenyi vyakunwa,Namatoto nakulundundu, mangana vapende,Mangana amone usonyi wavo.
16 Naukasauka chikuma mukutela kupwa naulemu.Nayove nawa nwako mangana usolole usonyi wove wakuzeneka kujihana.*Lupasa luze luli mulivoko lyaYehova lyachilyo navakakunwisalwo,+Kaha sonyi nayikafwika ulemu wove.
17 Vyuma vyavipi valingile kuLevanone navikeza hali ove,Kunongesa chize chevwishile woma tunyama vamuchipapa nachikeza hali ove,Mwomwo yamanyinga avatu unamwange,Navyuma vyavipi unalingi hamavu,Namujinganda nakuli vaze vatwamamo.+
18 Uno likombelo lyakusonga lili nanganyo mukaKuli ou nalisongo?Uno likombelo lyakuzuzulula, nalize lyanangula vyuma vyakwonga,Vize vyapwa tulunga vamokomoko, vakuzeneka kuhanjika,Vili nanganyo muka kuli muka-kuvitenga numba tuhu mwavifwelela?+
19 Lamba kuli ou mwalweza chitondo ngwenyi, “Hinduka!”Chipwe kulweza lilolwa lize kalyahanjikako ngwenyi, “Hinduka utunangule!”Vanavishili ulu napalata,+Kaha kavyahwimako.+
20 Oloze Yehova ali mutembele yenyi yajila.+Shikaho enu vaka-mavu muvosena, holenu kulu kumeso enyi.’”+
Kwinyikila Chamwishi
^ Chipwe “chitesemo.”
^ Chipwe “chitalililenga.”
^ Chipwe pamo, “yakufwelela; yakwitava.”
^ Chipwe “Sheyole,” kulumbununa fuka yavatu vosena. Tala Mukana waMazu.
^ Hepe., “ahake uswa wenyi.”
^ Chipwe “kumwono wove.”
^ Chipwe pamo, “mangana upelyangile.”
