Hambakuke 3:1-19
3 Echi chikiko kulomba chakapolofweto Hambakuke chize alombele mulungungu:*
2 Ove Yehova, ngunevu puho yove.Ove Yehova, ngunevu milimo yove woma.Zata milimo yove hakachi kamyaka.*Jimbula milimo yove hakachi kamyaka.*Kanda nauvulyama kusolola keke yove mulwola lwavihuliko.+
3 Kalunga ejile kufuma kuTemane,Ou Wajila ejile kufuma kuPili yaPalane.+ (Sela)*Upahu wenyi wafwikile melu osena.+Kaha vamwalishilenga kumavu kwosena.
4 Kumunyika chenyi chapwile nge musana.+Mimunyi yivali yafumine mulivoko lyenyiMuze mwaswamine ngolo jenyi.
5 Kulutwe lwenyi kwapwile musongo wachihita,+Kaha munyima yenyi mwakavile chishikashika.
6 Emanyine nakunyikisa mavu.+Atalile, kaha vaka-mafuchi valichikiminyine.+Jipili jajinene jahaya myaka yosena vajichikile,Kaha jipili jajindende jakushikulu jafukamine.+Jijila jenyi jafuma kumakumbi akunyima.
7 Ngwamwene mujimbalaka jaKushane muli luyando.Mahina ajimbalaka jamulifuchi lyaMichane alinyikile.+
8 Ove Yehova, uno unevwila tulwiji matoto tahi?Uno tulwiji vakiko unevwila matoto tahi,Nyi kalungalwiji yikiye unevwila matoto?+Ove watambukile hatuvalu twove.+Matemba ove ajita afungulwile.*+
9 Uta wove wamanana unausolomona lyehi.Jimbwechi* unajihane lyehi nalushingo.* (Sela)Unahandununa mavu kuzachisa tulwiji.
10 Omu jipili jakumwene, jandendele.+Vula yamishilinjinji yashindumukile.Mwambe wapwile nakunganjanga,+Kaha wakatwile makimba.
11 Likumbi nakakweji vyemanyine mwilu muvihela vyavyo.+Mivwi yove yamwasukile nge matongo.+Kaha kuvyakuma chalikunga lyove chapwile nge kumunyika chamuveso.
12 Wahichile mulifuchi nautenu.Walyatangilile* vaka-mafuchi namatoto.
13 Walovokele ulwile vatu jove, ulwile ou wove wawavisa.Wachikile twamina* wakuzuvo yavaka-kuhuka.Wayipuzwile kufuma kwishi nakuheta kwilu.* (Sela)
14 Omu vejile maswalale jenyi mangana vangulukuke,Ove wavanongesele kuzachisa vitwa vyavo.*Mwomwo vevwilenga kuwaha kunongesela vaka-kukalikiza kupenge.
15 Wahichile hakalungalwiji natuvalu twove,Wahichile hamwambe wameya akunganjanga.
16 Omu ngwevwile vyumevi, ngwalichikiminyine,*Mivumbo yami yandendele.Ngwevwile muvifuwa keke.+Mahinji ami achikimine.Oloze nanguvandamina likumbi kaneli lyavihuli,+Mwomwo lili nakwiza havatu vaze veji kutulukukanga.
17 Numba tuhu mikuyu nayihona kufukula,Chipwe mivinyo nayihona kwima mihako,Chipwe milive nayihona kwima,Chipwe mande nawahona kulovola vyakulya,Chipwe utanga wamikoko naulovoka mulimba nakujimbala,Chipwe vangombe navahona kupwa mumulaka,
18 Oloze ami kwami nangulisambilanga muli Yehova.Nanguwahililanga muli Kalunga muka-kungulwila.+
19 Mwata Wakulitulaho Yehova ikiye ngolo jami.+Mwalingisa mahinji ami apwenga nge akapaji,Mwangulingisa ngutambuke havihela vyakulunduka.+
Kwinyikila Chamwishi
^ Chipwe “mumwaso wakulishona.”
^ Chipwe pamo, “mulwola lwetu.”
^ Chipwe pamo, “mulwola lwetu.”
^ Tala Mukana waMazu.
^ Chipwe “alwililile.”
^ Chipwe pamo, “Mivwi.”
^ Chipwe pamo, “Lushingo valishingile vaka-miyachi vanaluhanjika lyehi.”
^ Hepe., “Wazungwile.”
^ Hepe., “mutwe.”
^ Hepe., “kushingo.”
^ Hepe., “kuzachisa jimbwechi javo.”
^ Hepe., “lijimo lyami lyandendele.”