Hangai 1:1-15
1 Mumwaka wamuchivali wachiyulo chaMwangana Ndaliu, mukakweji wakusokesa 6 halikumbi lyakulivanga lyakakweji kana, mazu aYehova ejile kuli nguvulu waYuta, Zeluvavele+ mwanaSheyalachele, nakuli kapilishitu wakulitulaho Yoshuwa mwanaYehozatake. Mazu kana ejile kuli vakiko kuhichila muli kapolofweto Hangai*+ ngwenyi:
2 “Yehova wamayongomena nambe ngwenyi, ‘Vatu kana ava veji kwambanga ngwavo, “Lwola lwakutungulula zuvo* yaYehova kanda luhete.”’”+
3 Yehova ahanjikile cheka kuhichila muli kapolofweto Hangai+ ngwenyi:
4 “Uno luno lunapu lwola lwakutwama mujizuvo jenu jakwala kanawa namaliva, okunyi zuvo yino yinapuzwojoka nyi?+
5 Jino Yehova wamayongomena nambe ngwenyi, ‘Nyingililenu* jijila jenu.
6 Munakuu mbuto jajivulu, oloze munahe jajindende.+ Mweji kulyanga, oloze kamweshi kwikutako. Mweji kunwanga, oloze chipepa kacheshi kukumako. Mweji kuvwalanga, oloze kamweshi kwivwa yukuko. Ou vanakambe eji kuhakanga fweto yenyi mungonga yakutuvijeka.’”
7 “Yehova wamayongomena nambe ngwenyi, ‘Nyingililenu* jijila jenu.’
8 “Yehova nambe ngwenyi, ‘Yenunga kujipili mukambate vitondo.+ Kaha tungenu zuvo+ yize nangwivwila kuwaha, yize navangutohweselangaho.’”+
9 “Yehova wamayongomena nambe ngwenyi, ‘Mwatalijijilenga vyavivulu, oloze mwatambwile vyavindende. Kahomu mwavinehele muzuvo, ngwavimbilile.+ Mwomwo ika? Mwomwo zuvo yami yinalyenyeka, oloze enu mutu himutu ali nakuzakama zuvo yenyi.+
10 Shikaho melu kaweshi nakuneha lyumeko, kaha mavu kaweshi nakulovola jimbutoko.
11 Kaha ngwasanyikilenga changa chizenga hamavu, nahajipili, nahajimbuto, nahavinyo vyavihya, nahamaji, nahavyuma vyakusoka hamavu, nahavatu, nahavimuna, nahamilimo yamavoko enu yosena.’”
12 Zeluvavele+ mwanaSheyalachele,+ nakapilishitu wakulitulaho Yoshuwa mwanaYehozatake,+ navatu veka vosena vevwililile mazu aYehova Kalunga kavo, namazu akapolofweto Hangai, mwomwo vamutumine kuli Yehova Kalunga kavo. Kaha vatu vevwile woma mwomwo yaYehova.
13 Jino Hangai muluwa waYehova alwezele vatu mazu awa nge kutesa nomu vamutumine kuli Yehova ngwenyi: “‘Nguli nayenu hamwe.’+ Omu mukiko mwanambe Yehova.”
14 Yehova akatwile+ nguvulu waYuta+ Zeluvavele mwanaSheyalachele, nakapilishitu wakulitulaho Yoshuwa+ mwanaYehozatake, navatu veka vosena, kaha vejile, vaputukile kuzata milimo kuzuvo yaKalunga kavo,+ Yehova wamayongomena.
15 Eli lyapwile likumbi lyakusokesa 24 lyakakweji wakusokesa 6 mumwaka wamuchivali wachiyulo chaMwangana Ndaliu.+
Kwinyikila Chamwishi
^ Ulumbunwiso, “Asemukilile haChiwanyino.”
^ Chipwe “tembele.”
^ Chipwe “Shinganyekenu kanawa.”
^ Chipwe “Shinganyekenu kanawa.”
