Hozeya 10:1-15
10 “VaIsalele vanapu nge muvinyo waupi* uze uli nakwima mihako.+Omu mihako yavo yili nakuvula, hakiko vali nakuvulisa jino namajiko avo akulumbila.+Omu lifuchi lyavo lili nakulovola jimbuto jajivulu, hakiko vali nakutunga jipanda jajila jamwaza.+
2 Vanapu vaka-kulyonga.*Ngocho navavawana namulonga.Nakupwa umwe uze mwapuzula majiko avo akulumbila nakuchika jipanda javo jajila.
3 Jino navakamba ngwavo,‘Katweshi namwangana-ko,+mwomwo katwevwile Yehova womako.Numba nge twapwanga namwangana, mwatulingila ikaze?’
4 Veji kuhanjikanga vyuma vyamokomoko, nakulishinga vyuma vyamakuli,+ nakulikasa vivwasano.Shikaho vilinga vyakuhengesa chiyulo vinatande nge mwila wausungu uze unasoko mumyozongolo muwande.+
5 Vatu vamuSamaliya navakevwa woma mwomwo yalikombelo lyamwanangombe lyakuMbete-avene.+Vatu navakalishona halikombelo kana,Nge omu navakalishona vapilishitu vakalunga weka vaze vevwililenga kuwaha likombelo kana naupahu walyo,Mwomwo likombelo kana navakalitwala muufunge.
6 Navakalitwala kuAsulya kupwa wana wamwangana wamunene.+Efwalime mwakevwa sonyi.Isalele mwakevwa sonyi hakukavangiza vyuma vamulwezelenga.+
7 Samaliya namwangana wenyi navakajimbangana*+Nge mutango vanapamuna uze uli hameya.
8 Vihela vyakulunduka vyakuMbete-avene+ vize vaIsalele valingililengaho shili,+ navakavipuzula.+Hamajiko avo akulumbila nahakasoka mingonga navikwata.+Vatu navakamba kujipili jajinene ngwavo, ‘Tufwikenu!’Nakwamba kujipili jajindende nawa ngwavo, ‘Tushiukilenu!’+
9 Ove Isalele, unalinginga shili kufuma vene kumakumbi avaka-Ngiveya.+Valingilenga lika shili.Vatu vakuhenga vakuNgiveya kavanongele kujita vosenako.
10 Nangukavazangamisa heshoho ngunasakila.Vatu veka naveka navakavanyemukila,Omu navakavakasa jishili javo jivali.*
11 Efwalime apwile nge mwanangombe wakulongesa uze azangile kuzungula,Shikaho ngwazenekele kumuhaka toka hashingo yenyi yayivwovu.Oloze nangulweza mutu atambukile* hali Efwalime.+Yuta mwalima, kaha Yakova mwamupupulwila.
12 Kuvenu jimbuto mukwoloka, kaha namwaha zangi yakwilila.Liliminenu mande,+Shimbu muchili nalwola lwakutondatonda Yehova,+Palanga nomu mweza nakuminangula kwoloka.+
13 Oloze enu munalimi kuhuka,Kaha munahe kuhenga,Munali vyuma vyavipi vinafumu kuvilinga vyenu vyakutangisa.+Mwomwo munafwelela mujijila jenu,Munafwelela muvatu jenu vaka-kwasa jita vavavulu.
14 Lizavu lyaliuya nalikanyemukila vatu jenu,Jinganda jenu jakujingulwisa jikembwe navakajinongesa,+Nge muze Shalamane anongesele Mbete-alaveleHalikumbi lyajita lize vachikile mapwevo hohamwe navana vavo.
15 Ove Mbetele,+ omu mukiko navakakulinga nayove nawa, mwomwo yavilinga vyove vyakuhuka.Mwangana wavaIsalele navakamunongesa* kulungulungu lyakucha.”+
Kwinyikila Chamwishi
^ Chipwe pamo, “wakutanda.”
^ Chipwe “vaka-kumbembejeka.”
^ Hepe., “navakavaholesa kulu.”
^ Kulumbununa, omu navakavazangamisa kwijiva nge vanavakase toka.
^ Chipwe “akase mikole.”
^ Hepe., “navakamuholesa kulu.”
