Hozeya 12:1-14
12 “Efwalime ali nakulya peho.Ali nakuhangasana peho yakumututuko musana wosena.Nasweze makuli naulyanyi.Nalikase chivwasano naAsulya,+ kaha ali nakutwala maji kuEjipitu.+
2 Yehova mwasopesa Yuta.+Mwasopesa Yakova kweseka navilinga vyenyi,Mwamushishishilamo kweseka navilinga vyenyi.+
3 Omu apwile mujimo, akwachile ndumbwenyi kukakukunya.+Alipikile naKalunga nangolo jenyi josena.+
4 Alipikile nakangelo, kaha amufungulwile.Alilile nakumulembelela amwivwile uselewa.”+Kalunga amuwanyine kuMbetele, kaha ahanjikile nayetu kuze.+
5 Yehova ikiye Kalunga wamayongomena,+Lijina lyenyi lyakumwanukilaho ikiye Yehova.+
6 “Shikaho, kinduluka kuli Kalunga kove,+Pwakonga nazangi yakwilila nachiyulo chakwoloka,Talililanga kuli Kalunga kove.+
7 Oloze muka-kusekasana* ali navyesekelo vyamakuli mulivoko lyenyi.Asaka kulyapula vakwavo.+
8 Efwalime ali nakuhanjika ngwenyi, ‘Ngunahete luheto lwaluvulu.+Nguli navikumba vyavivulu.+Kangwalingile chuma chachipi chipwe kulinga shili muvyuma vyosena ngunakilikitako.’
9 Ami yami Yehova Kalunga kove putu vene omu wapwile mulifuchi lyaEjipitu.+Nangukakutwamisa cheka mujimbalakaNge omu chapwile halwola vatongola.*
10 Ngwahanjikilenga kuli vapolofweto,+Ngwavamweneselenga vyakumwenesa vyavivulu,Ngwahanjikilenga vyakutalilaho kuhichila muli vapolofweto.
11 Vatu muNgileyate vanahanjikanga vyuma vyakutangisa,+ vyamakuli.Vatu muNgilingale vali nakuhana vangombe kupwa vimuna vakuvatula,+Majiko avo akulumbila anapu nge milumba yamalolwa yize yili mumyozongolo mumande.+
12 Yakova achinyinyine kungalila* yaAlame.*+Isalele+ akazachilile pwevo kuze,+Akafungile mikoko+ mangana ambate pwevo.
13 Yehova alowele Isalele muEjipitu kuzachisa kapolofweto,+Amukingile kuzachisa kapolofweto.+
14 Efwalime navulumuna mulonga waunene.+Mwapwanga lika namulonga wamanyinga.Mwata wenyi mwakamuzangamisa mwomwo yakumusawisa.”+
Kwinyikila Chamwishi
^ Chipwe “muka-kusepa.”
^ Chipwe pamo, “haviwanyino vatongola.”
^ Chipwe “yaSulya.”
^ Hepe., “kuchipapa.”