Hozeya 13:1-16
13 “Omu Efwalime ahanjikilenga, vatu vachikiminenga.Apwile wamulemu chikuma muIsalele.+Oloze avulumwine mulonga hakulemesa Mbale,+ ngocho afwile.
2 Kushili yavo vanawezelako,Vanambate palata nakutenga makombelo akuzuzulula.+Vali nakutenga tuponya naunyongochima, tuponya kana veji kuvatenganga kuli vitotombwe.Veji kwambanga hali vakiko ngwavo, ‘Vaka-kuhana vimuna vakuvatula vezenga vasweswenye vana vavangombe.’+
3 Ngocho navapwa nge mavwi achimene,Nge lyume lize lyeji kulelangananga mukapyapya kakandende,Nge muzungu wakuchizungwilo uze uli nakupekumuka napeho yanyamanganda,Nge wishi uze uli nakulovokela mulihanya lyahamulungu wazuvo.
4 Oloze ami yami Yehova Kalunga kenu putu vene omu mwapwile mulifuchi lyaEjipitu.+Kamwatachikijile Kalunga wekako, shina yami kaha.Kakweshi mulwilo wekako,+ shina yami kaha.
5 Ngwamizakaminenga mupambo,+ mulifuchi lyachanga.
6 Mwalile nakwikuta mwomwo mwapwile navyakulya vyavivulu,+Mwalile nakwikuta, kaha mwalivwimbile mumichima yenu.Ngocho mwanguvulyamine.+
7 Nangukapwa nge ndumba kuli enu,+Nge chisupa uze naswame kujila.
8 Nangukeza kuli enu nautenu nge ulusu uze najimbalisa vana venyi,Kaha nangukatanya jitulo jenu.*Nangukamilya nge ndumba.Kanyama wamuchipapa mwakamitanya tanyutanyu.
9 Ove Isalele, mwakakunongesaMwomwo walikangile kuli ami muka-kukukafwa.
10 Mwangana wove ali kulihi mangana akulwile mujinganda jove josena?+Vaka-kukuyula* vaze wambile ngwove,‘Nguhanenu mwangana navilolo’ vali kulihi?+
11 Ngwakuhanyine mwangana namatoto,+Kaha nangukutambulayo nautenu.+
12 Kuhenga chaEfwalime vanachivungu.*Shili yenyi vanayilame.
13 Misongo yakusema nayikamuwana.Oloze apwa mwana wakuzeneka mangana,Uze nahono kulovoka hakusapuluka.
14 Nangukavayovola kungolo jaFuka.*Nangukavatambula kukufwa.+Ove Kufwa, mumunyi wove ulihize?+Ove Fuka,+ ngolo jove jakunongesa jili kulihize?Oloze kangweshi kukavatetelako.
15 Numba tuhu mwakafukila hamahongo,Oloze peho yaYehova yakumututuko,Peho yakufuma mulikundu, nayikeza nakumisa lishima lyenyi nakaselwoke kenyi.Mutu umwe mwakapupa zuvo yavyuma vyenyi vyandando yayinene.+
16 Vatu vamuSamaliya navavahana mulonga+ mwomwo vanalikange kuli ami Kalunga kavo.+Navalindumuka kujipoko jamikwale,+Vana vavo navavachika chikichiki.Tufumbakaji twavo navavapula hamajimo.”
Kwinyikila Chamwishi
^ Hepe., “nangukatanya viwuva vyamichima yenu.”
^ Hepe., “Vaka-kukusopesa.”
^ Chipwe “vanachilame.”
^ Chipwe “jaSheyole,” kulumbununa fuka yavatu vosena. Tala Mukana waMazu.
